Saginov Technical University сан мыңдаған ұжымы Сагинова Жанна Ниязбекқызын Қазақстанның Словак Республикасындағы Төтенше және өкілетті елшісі қызметіне тағайындаумен құттықтайды.
Бүгінде Қазақстанның үздік 5 техникалық жоғары оқу орындарының қатарына кіретін университетіміздің негізін қалаушысы болып табылатын академик Әбілқас Сағынұлы Сағыновтың есімін әрқашан құрметпен еске аламыз. Әбілқас Сағынов атындағы Қарағанды техникалық университеті Жанна Ниязбекқызының Сағыновтар әулетінің лайықты жалғастырушысы болып табылатынын және еліміздің мәртебесін дамытуға және нығайтуға өз үлесін қосып жүргендігін мақтан тұтады.
Жанна Ниязбекқызына шын жүректен зор денсаулық, бақыт, барлық алға қойған мақсаттарға қол жеткізу және Қазақстан Республикасының өркендеуі мен саяси имиджін көтеру жолындағы жұмыста табыс тілейміз!
Әбілқас Сағынов атындағы Қарағанды техникалық университетінің Басқарма Төрағасы – Ректоры, э.ғ.д., профессор Сагинтаева С.С.