20.09.2024 ж., Әбілқас Сағынов атындағы Қарағанды техникалық университеті, Қазақ тілі және мәдениеті кафедрасының меңгерушісі м.а, ф.ғ.к., доцент Қ.М. Хамзина және п.ғ.м., оқытушы А.Ж.Абдикадирова, А.Ж. Жалдыбаевалардың ұйымдастыруымен «Тіл – ынтымақтастықтың бастауы» тақырыбында квест ойыны ұйымдастырылды.
Шараның мақсаты: студенттерді мемлекеттік тілде еркін сөйлеуге үйрету, өз ұлтына, еліне деген патриоттық сезімін арттыру, мемлекеттік тілдің мәртебесін көтеру, тіл туралы нақыл сөздерді насихаттау, тез ойланып, жауаптарын тиянақты, жүйелі айта білуге, топ алдында еркін сөйлеуге баулу. Шараға СИБ-24-10, СБ-24-3 студенттері белсене қатысты.
Квест ойыны екі турдан тұрды. Бірінші турда сұрақтарға дұрыс жауап беру арқылы пазл құрастыру арқылы суреттен анықталған тұлға А.Байтұрсынұлы туралы әңгімелеп, ақынның бір өлеңін жатқа айтты.
ІІ-турда екі аудиторияның әртүрлі жеріне жасырынған сұрақтарды тауып, жауап беру арқылы, әріптерді жинайды. Жиналған әріптерден тақырыптың атауы ашылып, тіл туралы нақыл сөздер мен мақал-мәтелдер айтылды.
Шараға белсене қатысқан студенттер арнайы алғыс хаттармен марапатталды.
