Әбілқас Сағынов атындағы ҚарТУ түлектеріне деген жоғары сұранысты немен түсіндіруге болады? Жауап біреу – мамандарды сапалы даярлау. Профессорлық-оқытушылық құрамның жоғары кәсіби еңбегінде дауа жоқ, әйтсе де, студенттер тікелей өндірісте өтетін тәжірибе бұл жерде үлкен рөл атқаратынын атап өту керек. Сонымен қатар, олар үшін болашақ жұмыс туралы толық түсінікке ие болу үшін кәсіпорындарға тұрақты экскурсиялар өткізіледі.
Жақында Әбілқас Сағынов атындағы ҚарТУ-дың ГПР-24-2 тобының студенті Дильнара Баймұратова Семей облысындағы Brand Ambassador Kaz Minerals компаниясының Ақтоғай мыс кен орнында болды. Компания жол ақысын төлеп Тұран вахталық қалашығында тұрғын үй берді.
Кәсіпорын қызметкерлері мені және басқа балаларды өте жылы қабылдады, — дейді Дильнара. — Бізге бәрі өте ұнады. Басшылық пен қызметкерлердің қарым-қатынасы да, кәсіпорындағы еңбекті ұйымдастыру да.
Ең әуелі Дильнара мен басқа қалалардан келген студенттер кәсіпорын қызметкерлерін оқытатын оқу корпусымен таныстырылды. Содан кейін оларды қауіпсіздік техникасымен танысып, арнайы киім мен жеке қорғаныс құралдарын берді. Ал оқу кабинетінде оларға VR көзілдірік берілді ол арқылы оксид пен сульфид зауытына арналған сорғы жиналды.
Бірақ карьердің өзі ерекше әсер қалдырды. Мұнда балалар топырақты тасымалдау, Hitachi бұрғылау станогын орнату және басқа да жұмыстардың қалай жүріп жатқанын көре алды.
Екінші күні студенттер оксид зауытымен таныстырылды. Онда оларға мыстың диірмендерде қалай ұсақталатынын және одан әрі өңдеуден өтетінін егжей-тегжейлі түсіндірді.
Оксид зауытынан кейін сульфид зауытына барды. Сульфид зауытында автоматтандырудың жоғары деңгейінде өндірілетін мысты кезең-кезеңімен өңдеу көрсетілді. Қауіпсіздік техникасына балалардың назары ерекше аударылды.
Кәсіпорындарға бару Дильнараны жаңа біліммен байытты, тау-кен металлургия саласындағы жұмыс туралы толық түсінік берді.
