Конкурстық комиссияның 2024 жылғы 5 қарашадағы №7 шешімі негізінде және «Әбілқас Сағынов атындағы Қарағанды техникалық университеті» КеАҚ Басқарма Төрағасы – Ректоры С.С. Сагинтаеваның бұйрығымен Машина жасау факультетінің деканы лауазымына техника ғылымдарының докторы, профессор Макашева Астра Мундуковна тағайындалды.
Факультеттің жаңа деканын ұжымға Saginov Technical University Басқарма мүшесі – Академиялық мәселелер жөніндегі проректоры Нүсіпбеков Бекболат Рақышұлы таныстырды, сондай-ақ И.И. Ерахтинаға Басқарма Төрағасы — Ректордың атынан алғыс хат табыс етіп, Машина жасау факультетінің деканы лауазымындағы көп жылғы еңбегі үшін алғыс айтты.
А.М. Макашованы тағайындалуымен құттықтаймыз және жаңа, әрі жауапты лауазымында табыс тілейміз.
