«Әбілқас Сағынов атындағы Қарағанды техникалық университетінде» Түркістан облысы қоғамдық даму басқармасы «Жастар ресурстық орталығы» КММ-нің қызметкерлерінен құрылған топ іссапармен келіп, «Серпін-2050» бағдарламасы аясында білім алып жатқан студенттермен кездесу өткізді. Оқу бағдарламасы, жұмыс барысымен, сондай-ақ, жатақхана жағдайымен танысып, студенттер үшін қарастырылған мүмкіндіктер жайында сұқбаттасып, пікір алмасты. Университет пен «Жастар ресурстық орталығы» КММ арасында меморандум жасалып, алдағы уақытта да бірге жұмыс жасау мақсатында келіссөздер жүргізілді.
