Әбілқас Сағынов атындағы Қарағанды техникалық университетінің шетел тілдері кафедрасы студенттер мен оқытушылармен бірлесіп Қазақстан халықтарының бірлігі күніне арналған арнайы іс-шара ұйымдастырды. 1 мамырда аталып өтілетін бұл маңызды мереке біздің университет үшін еліміздің бай мәдени мұрасы мен көпмәдениетті сипатын қарсы алу және атап өту үшін мүмкіндік болып табылады. Іс-шара No1 оқу ғимараты, 521 кабинетте өтті. Шараға 40 студент пен кафедраның профессорлық-оқытушылық құрамы қатысты.
«Қазақстан халықтарының фестивалі» шарасы жылы лебіздер мен құттықтау сөздермен басталды. Одан кейін студенттер арасында бұл мереке олар үшін нені білдіретіні және оның тарихы мен маңызының қандай аспектілерін білетіндігі және бұл күннің Қазақстан қоғамы үшін маңыздылығы туралы қызу пікірталасқа ұласты. Іс-шара қызықты концерттік бағдарламамен жалғасты, онда студенттер би, ән орындап, Қазақстанда тұратын түрлі халықтардың мәдениеті мен салт-дәстүрлерін көрсетті. Олар қазақ, орыс, корей, ағылшын, үнді және кавказ ұлттарының тағамдарын ұсынды. Ұлттық киімдерін киіп тамаша өнер көрсеткен студенттер өз халқының салт-дәстүрінің шынайылығы мен сұлулығын жеткізді. Сондай-ақ олар Қазақстанда мәдени әртүрлілікті сақтау және насихаттау үшін жасалып жатқан жағдайлардың маңыздылығына тоқталып, түрлі этностардың мұрасын сақтау мен жеткізуде маңызды рөл атқаратын ұлттық бейінді мектептер мен мәдени орталықтарды атап өтті.
Қазақстан халықтарының бірлігі күнінің тарихи мәні терең. Бұл мереке өзара түсіністік, ынтымақ пен қоғамымыздың сан алуандығын құрметтеу рухын көрсетеді. Бұл біртұтас және гүлденген мемлекет құруда барлық этностардың бірлескен күш-жігерінің маңыздылығын еске салады.
Жауапты оқытушылар: Айтбаева С.Х., Токумбаева А.А., Нугуманова М.К., Несипбаева Н.Е., Байделдинова Г.М., Нурпейсова Д.Л., Арабаджи К.Д., Жақсыбаева А.М., Бабжанова Р.Ж., Свич Н.А.
