Қазақ әдебиетіне жалынды жырларымен өшпестей із қалдырған өр тұлғалы сыршыл ақын Сәкен Сейфулиннің өмірі мен шығармашылығы кейінгі ұрпақтың әдебиет, ұлт руханиятына деген көзқарасын қалыптастыруда өзіндік маңыздылығын жойған емес. Осы мақсатта еліміздің әр өңірінде жас ақындар арасында ақын шығармашылығын насихаттап, мәнерлеп оқу сайыстары ұйымдастырылып өткізілуде. ЖОО-ы арасында Сәкен Сейфуллиннің 130 жылдығына арналып, ұйымдастырылып жатқан түрлі іс-шаралар жас ұрпақты тәрбиелеуде ерекше рөл атқарады.
2024 жылдың 09 қазанында, Әбілқас Сағынов атындағы Қарағанды техникалық университеті «Қазақ тілі және мәдениеті» кафедрасының меңгерушісі м.а., ф.ғ.к., доцент Қ.М. Хамзина және кафедра ұжымының ұйымдастыруымен ақсұңқар ақын Сәкен Сейфуллиннің 130 жылдығына арналған «Қазақ руханиятының ақсұңқары» атты Республикалық жас ақындардың мәнерлеп оқу онлайн байқауын ұйымдастырып, өткізді. Байқаудың мақсаттары мен міндеттері, дауылпаз ақын Сәкен Сейфуллиннің өмірі мен шығармашылығын жырға қосып, елдігімізді, еркіндігімізді дәріптеп, әлем алдындағы абыройымызды тілге тиек етіп, Сәкен Сейфуллин шығармаларын жастар арасында насихаттау;
- Қазақ тілінің қолдану аясын кеңейту;
- Тіл мәдениетін көтеру;
- Көркем әдебиетті студенттер арасында кеңінен насихаттау;
- Талантты және талапты жастарды анықтау т.б.
Байқауға Республиканың әр өңірінен келесі ЖОО-ы «Әбілқас Сағынов атындағы Қарағанды техникалық университеті» КеАҚ, «Д.Серікбаев атындағы Шығыс Қазақстан техникалық университеті» КеАҚ, Қарағанды Болашақ Академиясынан жас ақындар қатысып бақтарын сынады.
Республикалық жас ақындардың мәнерлеп оқудан өткен онлайн байқауы ІІІ номинация бойынша өткізілді. Байқау қорытындысы бойынша Бас жүлде – өзінің ерекше талантымен көзге түскен Қарағанды Болашақ Академиясының 4 курс студенті Шари Қымбат (жетекшісі: Р.Х. Абдрахманов) иеленсе,
І-ші «Мәнерлеп оқу шеберлігі» номинациясы бойынша:
- І орын – Д.Серікбаев атындағы Шығыс Қазақстан техникалық университетінің 3 курс студенті Құмархан Динара (жетекшісі: С.К. Ережепова),
- І орын – Әбілқас Сағынов атындағы Қарағанды техникалық университетінің СИБ-24-1 тобының студенті Бекенов Орынбасар (Ұлттық тәрбие тағылымы үйірмесінің мүшесі) (жетекшісі: М.Ә. Хасен).
- І орын – Лог-24-2 тобының студенті Кенесова Дания (жетекшісі: К.К. Нуржанова),
ІІ-ші «Образға енуі» номинациясы бойынша:
Әбілқас Сағынов атындағы Қарағанды техникалық университетінен қатысқан талантты студенттер:
- ІІ орын – АРХ-23-6 тобының студенті Мамедова Эмина (Ұлттық тәрбие тағылымы үйірмесінің мүшесі) (жетекшісі: Г.М. Абилкасов),
- ІІ орын – СИБ-24-10 тобының студенті Шайхиев Жиханшах (Ұлттық тәрбие тағылымы үйірмесінің мүшесі) (жетекшісі: К.М. Хамзина),
- ІІ орын – СИБ-24-12 тобының студенті Наурызбай Алимжан (жетекшісі: Г.Қ. Сағатова) қатысып, жүлделі орындарды иеленді.
- ІІ орын – АРХ-24-1с тобының студенті Нұргелді Назерке (жетекшісі: Н.М. Әубәкіров).
ІІІ-ші «Ерекше түсірілім» номинациясы бойынша:
- ІІІ орын – БТ-24-2 тобының студенті Мамедова Зейнаб (жетекшісі: Н.А. Конурова),
- ІІІ орын – ТТ-24-1 тобының студенті Алтайбай Мұхаммед (жетекшісі: Л.М. Кулейменова),
- ІІІ орын – АИУ-21-2 тобының студенті Канагат Елдар (жетекшісі: М.Т. Оспангалиева),
Ақсұңқар ақын Сәкен Сейфуллиннің 130 жылдығына арналған «Қазақ руханиятының ақсұңқары» атты жас ақындардың мәнерлеп оқудан өткен онлайн байқауының жеңімпаздары дипломдармен, алғыс хаттармен марапатталды.