Сіздерді Қазақстанның ғылым күнімен құттықтаймын!
Бұл күн — әрқайсымыз үшін ерекше. Ол бізге ғылыми ізденістің маңыздылығын, білімнің күшін және оның шексіз мүмкіндіктерін еске салады.
Қазақстандық ғылымның дамуы мемлекеттің назарында. Ғылыми зерттеулерге бюджет қаражатын бірнеше есе ұлғайту, жыл сайынғы негізде ғылыми жобаларды гранттық қаржыландыруға конкурстар өткізу, ҰҒК мүшелеріне қойылатын талаптарды нормаға келтіру, жас ғалымдарға арналған жаңа тұрғын үй бағдарламасын іске қосу қазақстандық қоғамдағы ғылыми қызметтің құндылығын айғақтайды. Қазіргі уақытта «Ғылым және технологиялық саясат туралы» Заң жобасы талқылануда, онда ғылымды басқару жүйесінің құрылымын жетілдіру, ғылымды қаржыландыру, ғылыми инфрақұрылымды дамыту, ғалымның жеке мәртебесін беру, ғылыми қызметкерлерді, оның ішінде жас ғалымдарды әлеуметтік қолдау пакетін кеңейту мәселелері көзделеді. Ғылымды мемлекеттік қолдаудың барлық шаралары оның дамуына жаңа серпін беруі керек.
Әбілқас Сағынов атындағы Қарағанды техникалық университетінің ғалымдары мен зерттеушілері ел экономикасының дамуына елеулі үлес қосуда.
Қазіргі уақытта Университеттің ғылыми ұжымы — 30 ғылым докторы, 159 ғылым кандидаты, 78 PhD докторы, 238 ғылым магистрі. Соңғы үш жылда біздің 57 жас ғалымымыз диссертацияларын табысты қорғап, PhD докторы ғылыми дәрежесін алды. Бүгінгі таңда университетте ғылыми-педагогикалық магистратура бағдарламалары бойынша 572 магистрант, докторантура бағдарламалары бойынша 115 адам оқиды.
Университетте 4 Ғылыми-зерттеу институты, 12 Ғылыми-техникалық орталық және 2 Ғылыми-зерттеу зертханасы бар табысты зерттеу ортасы құрылды.
Университет ғалымдары инженерлік ғылымдар саласында елеулі іргелі және қолданбалы ғылыми зерттеулер жүргізеді және гранттық және бағдарламалық-нысаналы қаржыландырудың басым бағыттары бойынша ғылыми жобаларды іске асырады.
ҒЗТКЖ қаржыландыру көлемі және 2016 жылдан бастап жоғары рейтингті жарияланымдар саны 2023 жылға қарай 3 еседен астам өсті.
Өткен 2023 жылы біздің ғалымдар 80 жобаны орындау арқылы әсерлі нәтижелер көрсетті, бұл жоғары кәсіпқойлықтың ғана емес, сонымен қатар зерттеу жұмысына деген адалдықтың тамаша жетістігі және дәлелі. ҒЗТКЖ-ны қаржыландырудың жалпы көлемі қомақты 1469,3 млн теңгені құрады, бұл біздің университет ие болған сенім мен қолдауды көрсетеді.
«ҚР ҒЖБМ ҒК» ММ конкурстық негізде қаржыландырылатын мемлекеттік бюджеттік ҒЗТКЖ-ға ерекше назар аудару, сондай-ақ бағдарламалық-нысаналы қаржыландыру бойынша жобаларды енгізу біздің университеттің ұйымдастыру мен стратегиялық бағдарланғандығының жоғары деңгейін көрсетеді.
Студенттер — біздің ғылымымыздың болашағы. Сіздердің білімге деген ұмтылыстарыңыз және шығармашылық ізденіске дайындықтарыңыз бәріміз үшін шабыт көзі болып табылады. Сіздер — біздің ғылыми мұрамызсыздар және сіздердің ғылымның дамуына қосқан үлестеріңіз баға жетпес болып есептелінеді.
Мерзімді журналдарда студенттермен және магистранттармен бірлескен авторлықта 54 мақала, оның ішінде 23 мақала магистранттармен және 31 мақала студенттермен бірге жарияланды. 18 студент пен 18 магистрантты тарта отырып патент беруге 36 өтінім берілді
Құрметті әріптестер! Мен бүгін тынымсыз ғылыми ізденістер мен зерттеулер арқылы ұлттық экономиканың, отандық ғылым мен білімнің дамуына баға жетпес үлес қосатын, сол арқылы барлық қазақстандықтардың әл-ауқаты мен өмір сүру сапасын жақсартуға ықпал ететін және әлемді жақсы жаққа өзгертуге тырысатын әрбір адамға ерекше алғысымды білдіргім келеді.
Әбілқас Сағынов атындағы Қарағанды техникалық университеті білім форпосты болып қала берсін, сонымен қатар аудан өңірі мен елдің индустриялық саласының технологиялық дамуының драйвері болсын!
Сіздерге, Құрметті әріптестер, сарқылмас қуат, серпінді зерттеулер, батыл және ерекше шешімдер, денсаулық және шығармашылық ұзақ өмір тілеймін!
«Әбілқас Сағынов атындағы
Қарағанды техникалық университеті» КеАҚ
Басқарма Төрағасы – Ректор
С. С. Сагинтаева