2024 жылдың 30 қыркүйегінде Н.В. Гоголь атындағы Қарағанды облыстық әмбебап ғылыми кітапханасында «Ой орда» пікірталас клубының кезекті отырысы өтті. Аталған іс-шара аясында Әбілқас Сағынов атындағы Қарағанды техникалық университетінің «Кеніштік аэрология және еңбекті қорғау» кафедрасының аға оқытушысы Ауелбекова Арайлым Жоровна қатысып, «Жастар арасында экологиялық мәдениет дағдыларын қалыптастыру» атты баяндама жасады. Іс-шара барысында экологиялық дүниетанымды дамытуға, жастардың сана-сезімін арттыруға, сонымен бірге, табиғатқа құрметпен қарауды және оны сақтау үшін жауапкершілікті қалыптастыруға бағытталған бағдарламалар туралы пікір алмасылды. Баяндама қатысушылар арасында қызығушылық пен белсенді пікірталас тудырды.