2017 ж. 10 және 11 мамыр аралығында мини-футболдан «ҚарМТУ Жатақханалар Кубогы 2017» жарысы өткізілді. Жарыс «Армандастар Ордасы» ТК жатақханасы, «Серпіндестер Ордасы» жатақханасы мен №1 жатақханада тұратын студенттер арасында, Университет спорткешенінің футбол алаңында өткізілді. Сайысқа 6 топ (ҚарМТУ әр жатақханаларынан 2 командадан) қатысты:
«Армандастар Ордасы» ТК жатақханасы — «Прогресс», «Север»;
№1 жатақханасы – «Қарапайым», «ФК Қыран»;
«Серпіндестер ордасы» жатақханасы — «Жастар», «Номадс».
Командалар А және В деп аталатын екі топтан 3 командаға бөлінді. Әр топ «айналма» жүйе бойынша ойнады. Топтың 1 және 2 орынды иеленген командалары, басқа топтың командаларымен кездесетін жартылай финалға өтті.
Жарыстың нәтижесі:
3-ші орынға талас
«Номадс» және «Қарапайым» командалары кездесті. №1 жатақханасының «Карапайым» командасы негізгі уақытта (4-2) есебімен жеңіске жетті.
Ақтық мәре
«ФК Қыран» және «Прогресс» командалары кездесті. №1 жатақханасының «ФК Қыран» командасы негізгі уақытта (5-2) есебімен жеңіп, ҚарМТУ Жатақханасының Кубогы 2017 иегері атанды.
Жарыстың соңында командаларға дипломдар мен мадақтамалар және құнды сыйлықтар табысталды.