Осындай тақырыппен 2025 жылдың 10 қаңтарында Әбілқас Сағынов атындағы ҚарТУ-да Маркетинг және PR департаментінің ұйымдастыруымен Сыбайлас жемқорлыққа қарсы комплаенс-қызметтің, құрылымдық бөлімшелер басшыларының, факультет декандары орынбасарларының, кафедра меңгерушілерінің және Saginov Technical Univesity профессор-оқытушылар құрамының қатысуымен семинар өтті. Семинарда кәсіби мінез-құлық стандарттары, сондай-ақ педагогикалық этика мәселелері айтылды.
Маркетинг және PR департаментінің директоры А. Қасымжанова, Қоғаммен байланыс бөлімінің басшысы Қ. Көбенова семинарға қатысушыларды аталған бөлім жұмысының ерекшеліктерімен таныстырып, БАҚ-пен өзара жұмыс алгоритмдерін айтып, қойылған барлық сұрақтарға жауап берді.
Басқарма мүшесі – Әлеуметтік-тәрбие ісі жөніндегі проректор А. Қалықов семинар соңында ЖОО-ның имиджін арттыру бойынша декандардың, кафедра меңгерушілерінің және университеттің барлық қызметкерлерінің күнделікті, тұрақты жүргізілетін жұмысына ерекше назар аударды.
— Біз талапкерлерді тартуды қабылдау комиссиясының жұмысы басталған кезде ғана емес, үнемі, тұрақты түрде негізге алуымыз керек. Бұл жұмыста Маркетинг және PR департаменті маңызды рөл атқарады, — деп атап өтті ол.