11-12 қаңтарда футзалдан Қазақстан чемпионаты суперлигасының кезекті тур ойындары өтті. Қарағандылық «Тұлпар» өз алаңында шымкенттік «Ордабасы» командасын қабылдады. Екі кездесу де тартысты бәсекеде өтті. Тұлпарлықтар бұл турда екі кездесуде де жеңіске жетті. Командамыздың 50 пайызы орташа жасы 18-19 жас аралығындағы ойыншылардан құралғанын ескерсек, мұны сенсация деп атауға болады. Дегенмен, олар тәжірибелі әрі жетілген қарсыластарының алдында тайсалмады. «Тұлпар» сапында Тимур Мәлібеков үздіктердің бірі болды.
Атап өтейік, биылғы маусымда «Тұлпар» ШФК құрамында Әбілқас Сағынов атындағы ҚарТУ-дың алты студенті өнер көрсетуде: аты аталған Тимур Мәлібеков (ОП-21-2), Олжас Калгужинов ЭЭ-23-4), Кирилл Дуров (Лог-23-2), Руслан Бикбаев (ИС-23 -4), Аңсар Ахметкәрімов (ПСК-23-1) және Артём Чжан (ЦАФ-24-4).
«Тұлпар» командасын жеңістерімен құттықтап, жаңа табыстар тілейміз! Тек алға!
