Кәсіптік бағдар беру – жас ұрпаққа болашақ мамандығын дұрыс таңдауға көмектесетін мақсатты түрде атқарылатын жұмыс. Осы орайда 2024 жылдың 11 қарашасында «Әбілқас Сағынов атындағы Қарағанды техникалық университеті» КЕАҚ Жол-көлік факультеті «Қазақ тілі және мәдениеті» кафедрасының оқытушылары Беккулова Айнаш Диканбаевна мен Абдикадирова Айдана Жаруллиновна Ұлытау облысы Жаңаарқа кентіндегі №1 мектеп-лицейі, «Оразалы Жұмабеков атындағы тірек мектебі (ресурстық орталығы)» КММ, «А.Сейдімбек атындағы жалпы білім беретін мектеп» КММ, Сәкен Сейфуллин атындағы жалпы орта білім беретін мектептерінде кәсіптік бағдар беру жұмыстарын жүргізді.
Аталған мектептердің 9-11 сынып оқушыларына Әбілқас Сағынов атындағы Қарағанды техникалық университеті мен университетке қарасты Инновациялық технологиялар колледжі туралы ақпараттар беріп, бейнеролик көрсетілді. Болашақ түлектерге университеттің білім беру бағдарламалары, жатақхана, әскери кафедра туралы толық түсіндірме ақпарат берілді. Қызығушылық танытқан мамандықтары бойынша оқушылар тарапынан сұрақтар қойылып, маңызды мәліметтер алды.
