Қазақстанда 1 наурыз Алғыс айту күні аталып өтеді. Бұл күн елдің берекесі, тыныштығы мен тұрақтылығы үшін халықтың өз алғысын білдіретін кез. Қазімгі заманда алғыс айту мерекесі бізде бар бейбітшілік пен келісімнің құндылығын еске салады.
Алғыс күні қоғамдық сана мен алғыс мәдениетін де ынталандырады. Тек материалдық игіліктер үшін ғана емес, сонымен қатар отбасының, достарының, әріптестерінің және олардың өміріне үлес қосқан әрбір адамның қолдауы үшін белсенді түрде алғыс білдіретін уақыт.
1 наурыз Алғыс күніне орай шет тілдері кафедрасы №1 оқу ғимараты, 419 аудиторияда «Мейірімділікке толы әлем» шығармашылық байқауын өткізді, оған 40-тан астам студенттер мен кафедраның профессорлық-оқытушылар құрамы қатысты. Іс-шара талант пен шабыттың ризашылық білдірудің күшті құралы бола алатынының көрінісі болды.
Шара барысында студенттер өнерлерін көрсетіп, шығармашылықтары арқылы туған жерге, отбасына, достарына, ұстаздарына алғыстарын білдірді. Олар ән айтып, музыкалық аспаптарда ойнады, өлең оқып, бейнефильм көрсету арқылы эмоция мен шабытқа толы атмосфера жасады.
Оқытушы С.К.Маулетованың жетекшілігімен РЭТ-23-1 тобының студенттері. өз кафедрасының оқытушыларына алғыстарын білдіретін бейнеролик көрсетті, сонымен қатар өз қолдарымен салған суреттерінің көрмесін ұсынды. ЦАФ-23-3 тобының студенттері (оқытушы О.Г. Алексеева) Отанға алғыс туралы ән айтып, алғыс туралы түсініктерін бейнелейтін постер ұсынды. Оқытушы Ш.С Жакупованың шәкірттері ата-аналарына алғыс ретінде домбырамен күй тартып, арнайы дайындаған презентация көмегімен Қарағанды қаласына да ризашылығын білдірді. Оқытушы Софина И.И. жетекшілігімен ЦАФ-23-3 тобының студенттері. құтқарушыларға, дәрігерлерге және өрт сөндірушілерге алғыстарын білдіріп, барлығын олардың еңбегін бағалауға және құрметтеуге шақыратын бейнеролик ұсынды.
Фулбрайт стипендиаты Эммет Кэшман өткізген шағын шеберлік сәтіне ерекше назар аударылды. Мұнда студенттер өз қолдарымен ашықхаттар жасау арқылы өздерінің шығармашылық тұлғасын көрсетіп қана қоймай, сонымен қатар өз жақындарына арнаған алғыс сөздерімен толтыра алды. Бұл тек ризашылық білдірудің ерекше тәсілі ғана емес, сонымен қатар қатысушылар мен олардың жақындарының арасында берік байланыс орнатудағы маңызды қадам болды.
Іс-шараның соңында барлық қатысушыларға әртүрлі номинациялар бойынша грамоталар табыс етілді.
«Мейірімділікке толы әлем» шығармашылық байқауы сынды іс-шаралар күнделікті өмірде ризашылық пен алғысты білдірудің маңыздылығын еске салады.
Жауапты оқытушылар: Исина Н.Т., Жакупова Ш.С., Алексеева О.Г., Маулетова С.К., Софьина И.И.
