Әбілқас Сағынов атындағы Қарағанды техникалық университетінде жұмыс істейтін «Студенттік актив мектебі» білім беру жобасы аясында бірінші курс студенттерін оқыту аяқталды.
Бұл жоба студенттік ортадағы көшбасшыларды анықтауға және оларды студенттік ұйымдарда тиімді жұмыс істеу дағдыларына үйретуге бағытталған. Оған қатыса отырып студенттер командада жұмыс істеуді, теориялық білімді іс жүзінде қолдануды, көшбасшылық қасиеттерін көрсетуді, алынған нәтижелерге жауапты болуды үйренеді.
«Студенттік актив мектебінде» оқу қорытындысы бойынша командалармен Университет қабырғасында іс-шараларды ұйымдастыру бойынша жобалар ұсынылды.
Қазылар алқасының шешімімен үздік командалар анықталды.
Бірінші орынды «Jas tańdaýy» әлеуметтік-қайырымдылық жобасы үшін «Идеяалабы» командасы иеленді. Ол балалар үйіндегі бүлдіршіндермен кәсіби бағдарлау жұмыстарын жүргізуге бағытталған.
Екінші орынға – студенттерге әскери-патриоттық тәрбие беру тақырыбындағы жобаны ұсынған «Revolution» командасы шықты. Оған «Military Day» деп аталатын квест ұйымы кірді.
Үшінші орынды «STU comedy» интеллектуалдық әзіл-сықақ іс-шарасын ұсынған «Авангард» командасы иеленді.
«Студенттік актив мектебінде» оқуды сәтті аяқтаған барлық қатысушылар сертификаттарға ие болды, ал жеңімпаз командалар демеушілердің дипломдарымен және сертификаттарымен марапатталды.
Үздік жобаларды ұсынған командалар оларды биылғы оқу жылы аяқталғанға дейін жүзеге асыра алады.
