Қарашаның екінші онкүндігінде Әбілқас Сағынов атындағы Қарағанды техникалық университетінде қаламыздың жоғары оқу орындары арасында пікірсайыс ойындарымен айналысатын студенттерге арналған «Novice CUP-2024» турнирі өтті. Турнирге Әбілқас Сағынов атындағы Қарағанды техникалық университетінің, Е. А. Бөкетов атындағы Қарағанды зерттеу университетінің, Қазтұтынуодағы Қарағанды университетінің және Медицина университетінің студенттері қатысты.
Тақырып ретінде қазіргі заманның өзекті мәселелері қарастырылды. Атап айтқанда, гранттар қалай берілуі керек; либералды емес демократиялық елдердегі әйелдердің құқықтары мен мүмкіндіктері туралы және т. б.
Пікірсайыс қорытындысы бойынша бірінші орынды Әбілқас Сағынов атындағы Қарағанды техникалық университетінің студенттері Нұржан Ақшабаев пен Мадияр Мұстафен иеленді;
екінші орынды – Қазтұтынуодағы Қарағанды университетінің студенттері Назерке Алтанбекқызы және Асылай Каримова;
үшінші орынды Е. А. Бөкетов атындағы Қарағанды зерттеу университетінің студенттері Асылай Қосынова мен Наурызбек Полатов иеленді.
Жеңімпаздарды құттықтаймыз! Пікірсайыс ойындарының дамуына қосқан үлесі үшін барлық қатысушыларға алғыс айтамыз. Пікірсайыс барлығына өзін-өзі жетілдіру үшін жаңа ынта бере түссін.
