«Жастар және ғылым: тәуелсіздіктің жаңа трендтері» тақырыбындағы IX халықаралық конференцияда Әбілқас Сағынов атындағы Қарағанды техникалық университетінің АиУ-21-2 тобының студенті Қанағат Елдар «ТМД-ның үздік студенті-2024» халықаралық байқауының жүлдегері атанды.
Халықаралық конкурсты «Бөбек» жалпыұлттық қозғалысы ұйымдастырды, жеңімпаздар Тәуелсіз Мемлекеттер Достастығы елдерінің ғылымын, білімін, өнері мен спортын дамытуға үлес қосқан үздік студенттер арасында анықталады.
Елдар қазақ тілін оқыту әдістемесі бойынша «QAZAQ BILIMI» Республикалық ғылыми-әдістемелік, педагогикалық журналында және «Рухани жаңғыру» ақпараттық-талдау орталығының басылымында ғылыми мақалалар жариялады. «Үздік мақала» номинациясында ол I дәрежелі дипломмен марапатталды.
Елдарды жеңісімен құттықтаймыз және оған оқуда табыс, жаңа ғылыми және шығармашылық жетістіктер тілейміз!
