Қарқаралы мемлекеттік ұлттық табиғи паркінің басшылығымен меморандумға қол қою барысында «Органикалық заттардың химиялық технологиясы», «Биотехнология» білім беру бағдарламалары бойынша оқитын студенттердің өндірістік практикадан өтуі, сондай-ақ осы табиғи парктің аумағында бірлескен ғылыми зерттеулердің орындалуы туралы мәселелер талқыланды.
Жасалған меморандумға сәйкес, «Химия және химиялық технологиялар» кафедрасының қызметкерлері табиғи парк аумағында олардың химиялық құрамын, биологиялық белсенді қасиеттерін зерттеу үшін эндемикалық өсімдіктерді жинаумен айналыса алады.
Кафедра ұжымы Қарқаралы мемлекеттік ұлттық табиғи паркінің басшылығына және директордың орынбасары И.М. Винтонякқа қолдауы мен ынтымақтастығы үшін алғысын білдірді.
Ынтымақтастық туралы меморандумға қол қою соңында тараптар естелік сыйлықтармен алмасты.
