«Шет тілдері» кафедрасының меңгерушісі, қауымдастырылған профессор Джантасова Дамира Дулатовна «Академиялық көшбасшылық институты: Декандар мектебі – Academic Leadership Institute: Deans’ School» бағдарламасының алғашқы екі модулінен сәтті өтті.
Оны Қазақстан жоғары оқу орындары көшбасшыларының кадрлық резервін дайындау мақсатында ҚР Ғылым және жоғары білім Министрлігінің жоғары және жоғары оқу орнынан кейінгі білім комитеті ұйымдастырды. Бұл бағдарлама 2024 жылдың қыркүйек-желтоқсан айларына есептелген және Назарбаев Университеті мен А.Ясауи атындағы Халықаралық қазақ-түрік университетінің базасында жүзеге асырылуда. Алғашқы екі модуль білім беру сапасын басқару және білім берудегі академиялық инновациялар мәселелеріне арналды. Трансұлттық зерттеулерді ескере отырып, мамандарды даярлау жөніндегі стандарттарды әзірлеуге, жыл сайынғы ББ мониторингімен, ББ автоматтандырылған құрылымдық теңестірумен (constructive alignment) және студенттік контингенттің ББ бағалауымен проактивті тәсілді қолдануға байланысты жаңа білім алынды.
Сапаны бақылау және сапа мәдениеті ұғымын енгізу мәселесі ерекше қызығушылық тудырды. Мұнда қарым-қатынас (bottom-up), барлық мүдделі стейкхолдерлердің қатысуы мен сенімі арқылы тепе-теңдікті сақтау маңызды болды. Бүгінгі таңда ББ әзірлеу мен сапаны басқарудағы сапаның маңызды көрсеткіштері шешім қабылдаудың алқалылығы, халықаралық деңгейде ББ бенчмаркингі және шетелдік стейкхолдерлерді тарту болып табылады.
Қазіргі уақытта ЖИ қолданбай зерттеу және мамандар даярлау мүмкін емес. Сондықтан екінші модульде ЖИ галлюцинациясын (AI hallucination) алып тастау, ЖИ-ді сынау және ЖИ-ді қолдану кезінде плагиатты анықтау тетіктерін қолдану сияқты міндеттер ұсынылды. Ең өзекті мәселе білім берудегі этикалық нормаларды сақтау және ЖИ қолданудағы студенттер мен оқытушылардың теңдігі мәселесі болды.
Келесі модульдерді асыға күтеміз. Дамира Дулатовнаға қазақстандық жоғары оқу орындары көшбасшыларының кадрлық резервін даярлаудың іске асырылып жатқан бағдарламасына одан әрі қатысуда табыс тілейміз.
