Әбілқас Сағынов атындағы ҚарТУ делегациясы Huawei Technologies Co., Ltd. компаниясына барды

22-23 қарашада «Әбілқас Сағынов атындағы Қарағанды техникалық университеті» КеАҚ Басқарма Төрағасы – Ректоры Сауле Сагинтаева және «Байланыс жүйелерінің технологиялары» кафедрасының меңгерушісі Нұрбол Қалиасқаров Қазақстан Республикасы Ғылым және жоғары білім министрі Саясат Нұрбектің делегациясы құрамында Шэньжен қаласындағы (Қытай) Huawei Technologies Co., Ltd. компаниясында ресми сапарымен болды.

Компанияның негізгі нысандарын аралау барысында Showcase Smart Classroom жұмысы көрсетілді, Huawei вице-президенті Ли Цзюньфэнмен және Huawei Kazakhstan Бас директоры Макс Чжаомен жоғары оқу орындарын трансформациялау бойынша цифрлық шешімдерді талқылау үшін дөңгелек үстел өткізілді. Ресми сапар аясында Қазақстан Республикасы Ғылым және жоғары білім министрлігі мен Huawei арасында өзара түсіністік туралы Меморандумға қол қойылды. Ынтымақтастық шеңберінде студенттер қатарынан таланттар экожүйесін дамыту, Қазақстан Республикасында жоғары білім беруді одан әрі жетілдіру стратегиясын іске асыру, ғылыми зерттеулер жүргізу, оптикалық және сымсыз байланыс желілері негізінде кампустардың АКТ-инфрақұрылымын жобалау, ақылды сыныптарды ұйымдастыру, ICT академияларын ашу және жасанды интеллект саласында білім алу мәселелері көзделеді.

Сапар барысында делегация Huawei Cloud Planck көрме залын, Huawei флагмандық дүкенін, Huawei Technologies Co. Ltd. штаб-пәтерін, Von Neumann Exhibition Hall сандық трансформация көрме залын, Huawei кітапханасын және R&D орталығын аралады. Көрме залы коммуналдық қызметтер, көлік, мұнай және газ, электр энергетикасы, шахталар, қаржы, өндіріс және цифрлық энергияны қоса алғанда, кәсіпорынның тік салалық шешімдері туралы толық түсінік береді. Делегация танысқан өндірістік платформа сымсыз желілерді, көлік желілерін, кіру желілерін, маршрутизаторларды, қалалық Ethernet желілерін, тірек желілерін, серверлерді, деректерді сақтау құрылғыларын, антенналарды, цифрлық энергетиканы, ұялы телефондарды, үй терминалдарын және көлік құралдарына орнатылатын құрылғыларды қамтиды.

Бұл ресми сапар «Әбілқас Сағынов атындағы Қарағанды техникалық университеті» КеАҚ жанындағы Huawei ICT Academy базасында АКТ-ның түрлі бағыттарын дамыту үшін жаңа серпін береді, оған ағымдағы семестрде Datacom, AI, Big data, WLAN және Security сияқты бағыттар бойынша 100-ден астам студент қабылданды.