Құрметті студенттер!
Республикалық қаржыландыру есебінен Еуропа және Оңтүстік-Шығыс Азия жоғары оқу орындарында 2024-2025 оқу жылының күзгі семестрі кезеңінде академиялық ұтқырлық бағдарламасы бойынша оқуға арналған конкурсқа қатысу үшін құжаттарды қабылдаудың басталғаны туралы хабарлаймыз.
ҚР ҒЖБМ академиялық ұтқырлық бағдарламасы бойынша гранттар саны:
| Оңтүстік-Шығыс Азия | Еуропа |
| 1 | 9 |
Үміткерлерге қойылатын талаптар:
- гранттық және шарттық негізде білім алатын 2, 3 курс, 4 курс (деканаттың рұқсатымен) бакалавриат студенттері;
- B2 және одан жоғары деңгейде ағылшын тілін білу;
- ағымдағы GPA оқу үлгерімі — 3.0 және одан жоғары;
- мамандықтың максималды сәйкестігі.
Конкурсқа қатысу үшін қажетті құжаттар тізімі:
- ҚР азаматы паспортының көшірмесі;
- ЖОО мөрімен расталған ағымдағы үлгерім туралы транскрипт (транскриптті «Универ» АЖ-да алуға болады);
- IELTS сертификаты болған жағдайда, сертификат болмаған жағдайда шет тілін білуі бойынша тестілеу өткізіледі;
- студенттің көп балалы отбасынан шыққанын растау үшін отбасы құрамы туралы құжат;
- студенттің мүгедектігін растайтын құжат (бар болса);
- мотивациялық хат;
- ұсыныс хат (басшының, факультет деканының қолымен);
- бар болса: мамандануы бойынша республикалық немесе халықаралық деңгейдегі грамоталардың, сертификаттардың, дипломдардың, алғыс хаттардың расталған көшірмелері.
Академиялық ұтқырлық шеңберінде оқуға үміткерлерді іріктеу кезінде балдары тең болған жағдайда мыналарға артықшылық беріледі:
- GPA баллы жоғары үміткерлерге;
- Шет тілі бойынша жоғары балл жинаған үміткерлерге;
- жетімдер немесе ата-анасының қамқорлығынсыз қалған студенттерге;
- бала кезінен мүгедектігі бар тұлғаларға және мүгедектігі бар балаларға;
- көп балалы отбасылардан шыққан студенттерге.
Жоғары оқу орындарының тізімімен және мамандықтармен төменде танысуға болады:
- Гедимин атындағы Вильнюс техникалық университеті (Вильнюс, Литва) https://vilniustech.lt/studies/study-programmes/294828
- Познань технологиялық университеті (Познань қ., Польша) https://www.put.poznan.pl/wymiana-studencka
- Кобург қолданбалы ғылымдар университеті (Кобург қ., Германия) https://www.coburg-university.de/academic-studies/international-bachelor-programs.html
- Румын-Америка Университеті (Бухарест қ., Румыния) https://www.rau.ro/find-a-ba-program/?lang=en
- Острава техникалық университеті (Острава қ., Чехия) https://www.vsb.cz/en/study/exchange-students/exchange-programme/
- Краков техникалық университеті (Краков қ., Польша) https://www.pk.edu.pl/index.php?option=com_content&view=article&id=86&Itemid=268&lang=en
- Обуда университеті (Будапешт қ., Венгрия) https://uni-obuda.hu/faculties/
- Малайзия техникалық университеті (Куала-Лумпур қ., Малайзия) https://www.utm.my/#
- Пекин технологиялық университеті (Пекин қ., Қытай) https://isc.bit.edu.cn/admissionsaid/financialaid/scholarships/b112920.htm#
Конкурсқа қатысуға құжаттар ЖОО кеңсесі арқылы қолма қол 2024 жылғы 11 наурызға дейін, қоса алғанда, қабылданады.
Сұрақтар туындаған жағдайда Халықаралық ынтымақтастық орталығына (бас корпус, 241 кабинет) хабарласуыңызды сұраймыз.