Стипендия «Әлімхан Ермеков және қазақстандық мемлекеттіліктің қалыптасуы» халықаралық ғылыми-практикалық онлайн-конференциясының қарары негізінде құрылды. Аталған конференция ЖОО базасында 2021 жылғы 16-сәуірде көрнекті қоғам қайраткері, ғалым, профессор, математик Ә.Ермековтың 130 жылдығына арналған іс-шаралар кешені шеңберінде өткізілді.
Атаулы стипендия иегері конкурстық іріктеу нәтижелері бойынша айқындалады.
Стипендия қоғамдық-саяси, оқу және ғылыми-зерттеу қызметінде елеулі жетістіктері бар, күндізгі оқу нысанындағы Әбілқас Сағынов атындағы Қарағанды техникалық университетінің 2-4(5) курс студенттеріне тағайындалады.
Әлімхан Ермеков атындағы атаулы стипендия әр семестрде беріледі. Оның ағымдағы оқу жылындағы мөлшері университет қаражатынан бөлінетін 41 898 теңгені құрайды.
Әлімхан Ермеков атындағы стипендия тағайындау жөніндегі университеттік комиссияның қарауына ағымдағы семестрге 14 өтінім келіп түсті.
Белгіленген өлшемшарттарды басшылыққа ала отырып, аталған стипендияны тағайындау жөніндегі комиссия мен университеттің Ғылыми кеңесі 2023-2024 оқу жылының көктемгі семестріне Арх-21-4 тобының студенті Кристина Немытоваға тағайындау туралы шешім қабылдады.
Кристина Немытова – «Jas Orda» Жастар қауымдастығының еріктілер штабының және «SJ dance» заманауи би клубының басшысы. Мемлекеттік тілді меңгерген. Ректор стипендияның иегері, университетте бірқатар еріктілер, мәдени-бұқаралық және қоғамдық-саяси іс-шараларды ұйымдастырушы болып табылады. Басқарма төрағасы – Ректордың, Қарағанды қаласы әкімінің, Қарағанды облысының жастар саясаты мәселелері жөніндегі басқармасы басшысының және қоғамдық қорлар басшыларының дипломдарымен, грамоталарымен, алғыс хаттарымен марапатталған.
Кристинаны лайықты стипендиямен құттықтаймыз және оған оқуда сәттілік, жаңа шығармашылық жетістіктер тілейміз!
