Жыл сайын мамандардың кезекті оқу бітіруі қарсаңында Әбілқас Сағынов атындағы Қарағанды техникалық университетінде «Қаржы орталығы» АҚ мамандарымен кездесулер өткізіледі. Өйткені, олар түлектердің өз міндеттерін еңбекпен өтеу не болмаса, бюджет қаражатын өтеу бойынша орындалуын мониторинг пен бақылауды жүзеге асырады.
Бұқаралық ақпарат құралдары мен әлеуметтік желілерде осы тақырып бойынша жеткілікті ақпарат болғанына қарамастан, мұндай кездесулер әрдайым студенттердің, магистранттардың және докторанттардың ерекше қызығушылығын тудырады.
«Қаржы орталығы» АҚ мониторинг департаментінің бас маманы Ақзира Серікқалықызы жас мамандар мен философия докторларының (PhD) үш жылдық міндетті еңбекпен өтеу туралы айтып берді. Ол тыңдаушыларға 2021 жылдан бастап еңбекпен өтеу ережелері жеңілдетілгенін – енді олар мемлекеттік мекемелерде ғана емес, жеке ұйымдарда да белгіленген уақыт аралығында өз мамандығы бойынша жұмыс істей алатынын еске салды. Мамандардың жұмыспен өтеуі, атап айтқанда, Бірыңғай жинақтаушы зейнетақы қорына аударымдар бойынша қатаң қадағаланатынын атап өтті. Сонымен қатар, адамның толық мөлшерлеме, жарты мөлшерлеме немесе тіпті мөлшерлеменің төрттен бір бөлігі бойынша жұмыс істейтіні маңызды емес – бұл жұмыспен өтеу есебіне жатқызылады.
Ақзира Серікқалықызы құжаттарды уақтылы және дұрыс ресімдеуге ерекше назар аударды. Мәселен, декреттік демалыста жүрген студент-қыздар бұл мәселеге мән бермей, соттың істі қарауына жеткенде ғана ойланады. Мамандардың ескертулер мен міндеттемелерді елемеуінің де салдары болуы мүмкін, өйткені сот шешімдері олардың жеке қатысуынсыз қабылдануы мүмкін.
Студент грантқа немесе керісінше, енгізілген нормаға сәйкес ақылы негізге ауыстырылған жағдайда, мемлекет грант иеленушіні оқытуға жұмсаған шығыстарды өтеу грантта және ақылы негізде оқудың нақты кезеңіне сәйкес жүргізіледі.
Мамандарды қағаз нұсқадағы құжаттармен жүктемеу үшін олар мұны «Қаржы орталығы» АҚ-да тіркеуге келісім бере отырып, электрондық форматта жасауға мүмкіндігі бар.
«Қаржы орталығы» АҚ өкілі шығындарды өтеу бір траншпен жүргізілетінін атап өтті. Мерзімдерді кешіктірген кезде сот шығындарына қосымша өсімпұлдың едәуір мөлшері қосылады.
Кездесулердің екінші жартысы дәстүрлі түрде қатысушылардың сұрақтарына жауап беруге арналды. Және олар көп болды. Жұмыстың жиынтық уақытын, айталық, бірден бес жерде жұмыс жасаған жағдайда жұмыспен өтеуге жатқызуға болады ма; жеке кәсіпорындағы жұмыс философия докторына, егер ол ғылыми қызметпен айналысса, есепке алынады ма; оқу кезеңіндегі жұмыс өтілін жұмыспен өтеуге жатқызуға болады ма, әлде бір жоғары оқу орнын бітіргеннен кейін екінші оқу орнында жұмыспен өтеу қажет пе; жұмыспен өтеуді бастамағандарға және басқаларға қатысты талап-арыз жұмысы қай уақыттан басталады. Барлық сұрақтарға толық жауаптар берілді.
Бірақ егер біреуде постфактум пайда болса, университеттің Мансаптық өсу орталығының жетекшісі Алина Г.Ж. (200 «В» кабинеті, бас ғимарат) жолығуға болады.
Кездесулерге қатысушылар дұрыс қорытынды жасайды деп үміттенеміз. Бұл білім беру гранттары үшін іс соттың қарауына және шығындарындың орнын толтыруға жетпейтіні анық. Жұмыспен өтеу оңай және арзан.
