Әбілқас Сағынов атындағы ҚарТУ-нің 70 жылдығы аясында «Кеніштік аэрология және еңбекті қорғау» кафедрасында Дүниежүзілік еңбекті қорғау күніне арналған дөңгелек үстел өткізілді. Онда қазіргі жағдайдағы еңбек қауіпсіздігі және еңбекті қорғау мәселелері талқыланды.
Дөңгелек үстел жұмысына Әбілқас Сағынов атындағы ҚарТУ базасында жұмыс істейтін «Корпоративтік университет» инновациялық – білім беру консорциумының мүшелері: «АрселорМиттал Теміртау» АҚ, «Қазақмыс корпорациясы» ЖШС, «Maker» ЖШС, «Kazakhmys Maintenance Services» ЖШС, «Kazprom Engineering» ЖШС, «Қарағанды Су» ЖШС, «Қазақмыс Смэлтинг» ЖШС, «Өркен» ЖШС, «Bastau Expert» ЖШС өкілдері қатысты.
Дөңгелек үстел барысында заманауи жабдықтармен және аспаптармен жабдықталған жаңа зертхананың тұсаукесері өтті.
Жаңа зертхана үшін: еңбек жағдайларын арнайы бағалауды жүргізуге арналған «КОМБИ-СОУТ» жинағы; дыбысты, дыбыс қысымын және дыбыстық, инфрадыбыстық және ультрадыбыстық диапазондардағы жиілікті талдау деңгейлерін, дірілді жеделдету деңгейлерін және бір мезгілде 3 арна бойынша жалпы және жергілікті діріл диапазондарындағы жиілікті талдауды өлшеу үшін «TOTAL» дірілөлшегіш ассистенті; шуыл өлшегіш; өндірістік және тұрғын үй-жайлардың барлық түрлерінің микроклиматын гигиеналық бағалау кезінде ауа ортасының параметрлерін өлшеуді жүргізуге арналған «МЕТЕОСКОП-М» микроклимат параметрлерін өлшегіш және тағы басқалар сатып алынды.
Біздің өндірістік серіктестеріміз өндірістегі қауіпсіздік техникасы мен еңбекті қорғауға, сондай-ақ осы саладағы мамандарды даярлауға байланысты мәселелердің ерекше маңыздылығын атап өтіп, жаңа зертханаға жоғары баға берді.
Жаңа зертхана өнеркәсіптік қауіпсіздік және еңбекті қорғау саласында жүргізілетін оқу сабақтары мен ғылыми-зерттеу жұмыстарының сапасын жақсартуға мүмкіндік береді.
