2022 жылғы 22 желтоқсанда докторант Д.Р.Әубәкіров «Модификаторларды пайдалана отырып, тозуға төзімді шойын құймаларын өндіру технологиясын әзірлеу және зерттеу» тақырыбында философия докторы дәрежесін алуға арналған диссертациясын тамаша қорғап шықты.
Жұмыс «Нанотехнология және металлургия» кафедрасында (кафедра меңгерушісі т.ғ.к., профессор, әл-Фараби атындағы ҚР Мемлекеттік сыйлығының лауреаты В.Ю.Куликов) және Ж.Әбішев атындағы Химия-металлургия институтында орындалды. Докторанттың ғылыми кеңесшісі т.ғ.д., профессор, әл-Фараби атындағы ҚР Мемлекеттік сыйлығының лауреаты А.З.Исағұлов болды.
Д.Р.Әубәкіровтың диссертациялық жұмысы бор және барий мөлшерлі модификаторлардың төмен хромды тозуға төзімді шойынның құрылымы мен қасиеттеріне әсерін зерттеуге және осы модификаторларды пайдалана отырып, тозуға төзімді шойын құймаларын алу технологиясын әзірлеуге арналған.
Әлемдік практикада алғаш рет докторант тозуға төзімді шойын алу үшін кешенді борбарий модификаторын пайдаланды, оның шығыны микродоз деңгейінде болады, бұл процестің тиімділігін анықтайды. «Қазақмыс корпорациясы» ЖШС және «Пархоменко атындағы Қарағанды машина жасау зауыты» ЖШС инновациялық технологияларын енгізу актілері алынды.
Айта кету керек, Д.Р.Әубәкіров 12 жылдан астам уақыт өндірісте жұмыс істеді және практикалық қызметте туындайтын көптеген мәселелермен жеке таныс.
Ғылыми жұмыстың нәтижелері Scopus және Clarivate Analytics базаларына кіретін жоғары рейтингтік журналдарда жарияланды, Қазақстан Республикасының өнертабысына екі патент алынды.
Бұдан басқа, осы ғылыми зерттеулердің нәтижелері «Металдар мен қорытпалардың физикалық және механикалық қасиеттері», «Құю өндірісі технологиясы» пәндері бойынша 6В07204-«Металлургия» мамандығы бойынша бакалавриаттың оқу процесіне енгізілді.
Алдағы уақытта шойындардың пайдалану қасиеттерін арттыру бойынша зерттеулер жалғасады және гранттық қаржыландыру өтініміне ресімделеді.
