QS World University Rankings: Asia 2024 рейтингіне биыл 25 елден (Қытай, Гонконг, Сингапур, Оңтүстік Корея, Малайзия, Жапония, Үндістан, Қазақстан және т.б.) 856 жоғары оқу орны кірді, оның ішінде Әбілқас Сағынов атындағы Қарағанды техникалық университеті өткен жылмен салыстырғанда бірден 20 позицияға көтеріліп, ТОП-251+ қатарына енді.
QS World University Rankings: Asia рейтингі халықаралық тану, академиялық зерттеулер, білім сапасы, интернационалдандыру, академиялық ұтқырлық және т.б. арқылы Азиядағы жетекші оқу орындарының кешенді бағасын білдіреді.
Бірнеше жыл бойы Қазақстан жоғары білім беру саласындағы өзінің көшбасшылығын растап келеді. QS World University Rankings: Asia 2024 рейтингі қазақстандық университеттердің рекордтық санын – 34 енгізді. Оның ішінде 11 университет өз позицияларын жақсартты, бұл Қазақстанда білім беру сапасын үнемі дамытуға және жетілдіруге ұмтылысты көрсетеді.
Әбілқас Сағынов атындағы Қарағанды техникалық университеті білім беру сапасы мен академиялық жетістіктерге баса назар аудара отырып, әлемдік білім беру қоғамдастығындағы өз позициясын нығайтуды жалғастыра отырып, қазақстандық жоғары оқу орындарының ТОП-10 рейтингіне кіреді.
Бұл іс-шара жуырда жоғары халықаралық беделі мен көшбасшылық позициясын растайтын QS Stars әлемдік рейтингінің жоғары оқу орнына «4 артықшылық жұлдызы» берілуімен қатар, Әбілқас Сағынов атындағы Қарағанды техникалық университетінің өзінің 70 жылдық мерейтойында тағы бір маңызды жетістігі болды.
Университет оқытушыларының, қызметкерлерінің және студенттерінің ұжымын QS Asia University Rankings-тегі осы тамаша жетістігімен құттықтаймыз!