Әбілқас Сағынов атындағы Қарағанды техникалық университетінде нақты өндіріспен тығыз байланыста ҒЗТКЖ және тәжірибеге инновациялық технологияларды енгізу жүргізілуде.
2023 жылдың ақпан айы бойында т.ғ.к., «Өнеркәсіптік көлік» кафедрасы профессорының м.а. О.Т. Балабаев «MRG» ЖШС-не инновациялық технологияның тәжірибелік-өнеркәсіптік сынақтарын жүргізу бойынша ғылыми кеңес беруді жүзеге асырды.
Тәжірибелік-өнеркәсіптік сынақтардың мақсаты: мұздануға қарсы сұйықтықтың тиімді құрамын анықтау және «Kazakhmys Coal» ЖШС «Молодежный» разрезі жағдайында темір жол жартылай вагондарын өңдеу кезінде қондырғының жұмысқа қабілеттілігін зерделеу.
Зерттеулер келесі мәселелерді шешуге мүмкіндік берді:
— «Kazakhmys Coal» ЖШС «Молодежный» разрезі жағдайында қондырғының жұмыс қабілеттілігін, әр түрлі климаттық жағдайда оны басқару мен қызмет көрсетудегі ыңғайлылығын тексеру;
— қондырғының қауіпсіздік және өнеркәсіптік санитария ережелеріне сәйкестігін және орнату параметрлерінің мәлімделген техникалық сипаттамаларға сәйкестігін тексеру;
— қондырғының конструктивтік және технологиялық артықшылықтары мен кемшіліктерін анықтау;
— көрсетілген кесу жағдайлары үшін теміржол жартылай вагондарын өңдеу кезінде тиімді мұздануға қарсы сұйықтықты анықтау.
Темір жол жартылай вагондарының шанақтарын (борттары мен түптерін) оларды тиеу алдында мұздануға қарсы сұйықтықтармен өңдеуге арналған әзірленген қондырғыға ҚР өнертабысқа патентін алуға өтінім берілді.
