Қазақстан Республикасының Қаржылық мониторинг агенттігі, «AML ACADEMY» Қаржы мониторингі академиясы, Қазақстан Республикасы Бас прокуратурасының жанындағы Құқық қорғау органдары академиясы, Е.А. Бөкетов атындағы Қарағанды университеті, «Тұран» университеті, 2025 жылғы Қаржы қауіпсіздігі бойынша ұлттық олимпиада өткізеді.
Олимпиада жастардың қаржылық-құқықтық сауаттылығын арттыруға, қаржылық қауіпсіздіктің заманауи трендтерін көрсетуге, қаржы саласындағы тәуекелдер мен қатерлерге қарсы тұруды үйретуге арналған.
Олимпиадаға құқықтану, экономика, халықаралық қатынастар, ақпараттық қауіпсіздік, ақпараттық технологиялар білім беру бағдарламалары бойынша білім алатын 2-3 курс студенттері мен ғылыми-педагогикалық бағыттағы 1-курс магистранттары қатыса алады.
Олимпиадаға қатысудан бұрын қатысушылар міндетті түрде тіркеуден өту қажет.
Олимпиада онлайн және оффлайн форматта қазақ, орыс тілдерінде (қатысушылардың қалауы бойынша) өткізіледі, қатысу тегін.
Олимпиада үш кезеңнен тұрады:
- Онлайн тестілеу;
- 20 финалисті іріктеу үшін Агенттіктің аумақтық департаменттерінің алаңында офлайн форматта эссе жазу;
- Астана қаласында фиджитал-шахмат турнир және зияткерлік ойын 10 жеңімпазды финалдық іріктеу.
3-ші турыдың жеңімпаздары 2025 жылғы 30 қыркүйектен 4 қазан аралығында Ресей Федерациясы, Красноярск қаласында орыс тілінде өтетін Олимпиаданың соңғы кезеңінде өздерін көрсете алады.
Өтінімдерді қабылдау 2025 жылғы 20 наурыз сағат 09:00-ден 4 сәуір сағат 14:00-ге дейін «AML ACADEMY» Қаржы мониторингі академиясы сайтында болады.
- 2025 жылғы 20 наурыздан — 4 сәуір аралығында тіркелу
- 1-ші кезеңін өткізу күні — 2025 жылғы 5 сәуір.
- 1-ші кезеңінің нәтижелері — 2025 жылғы 7 сәуір
- 2-ші кезеңнің өтетін күні — 2025 жылғы 10 сәуір
- 2-ші кезеңнің нәтижесі — 2025 жылғы 18 сәуір.
- Апелляция — 2025 жылғы 19 сәуір.
- 3-ші кезеңнің өтетін күні — 2025 жылғы 5 мамыр
- Олимпиаданың қорытындысын шығару 2025 жылғы 6 мамырда өткізіледі
Олимпиада бойынша толық ақпарат https://sodrujestvo.org/ru, https://rosfinolymp.ru/сайтында орналастырылған.