Конференцияны Әбілқас Сағынов атындағы ҚарТУ ректоры Сауле Сагинтаева ашты. Өзінің құттықтау сөзінде ол біздің университет ҚР Президенті Қасым-Жомарт Тоқаевтың еліміздің жоғары оқу орындарының алдына қойған міндеттерін абыроймен орындап жатқанын атап өтті. Қалыптасқан дәстүрлерді жалғастыра отырып, білім беруді ғылыммен және өндіріспен біріктіру негізінде білім беру процесінің сапасын үнемі арттырады. Халықаралық деңгейге ие және жыл сайын шетелдік және отандық жоғары оқу орындары мен өнеркәсіптік кәсіпорындардың қатысуы үшін тартымды болып келе жатқан қазіргі конференция да осыған бағытталған. Ол ел экономикасын дамыту үшін ғылымның әлеуетін неғұрлым толық пайдалана отырып, білім мен озық тәжірибе алмасудың бірегей алаңы ретінде қызмет етеді.
Конференцияға Қазақстан, Ресей, Беларусь, Украина, Өзбекстан, Түркия, Әзірбайжан және Малайзиядан 60-тан астам ұйымның ғалымдары мен мамандарынан 760 баяндама келіп түсті. Оған Қазақстанның ірі өнеркәсіп кәсіпорындарының басшылары мен жетекші мамандарының: «Qarmet» АҚ, «Қазақмыс корпорациясы» ЖШС, «Соколов-Сарыбай тау-кен байыту өндірістік бірлестігі» АҚ және басқалардың қатысуы ерекше мән береді.
Пленарлық отырыс екі пікірталас панелі түрінде өтті: «Ғылым мен білім синергиясы: жоғары білім мен тұрақты дамудың жаңа көкжиектері және «Өнеркәсіптегі инновациялар: заманауи сын-қатерлер мен перспективалар».
Онда – тау-кен инженері, «Тау-кен ғылымдарының Ұлттық академиясы» БҰ президенті, техника ғылымдарының докторы Н.Б. Рыспанов; техника ғылымдарының кандидаты, доцент, Бұхара инженерлік-технологиялық институтының кафедра меңгерушісі М. Т. Құрбанов; техника ғылымдарының кандидаты, доцент, Ресей Ғылым академиясының бүкілресейлік ғылыми-техникалық ақпарат институтының бөлім меңгерушісі Шара О.А.; техника ғылымдарының докторы, Сәкен Сейфуллин атындағы Қазақ агротехникалық университетінің профессоры М. Б. Көшімбаев; техника ғылымдарының докторы, Ташкент мемлекеттік көлік университетінің профессоры Ш. М. Суюнбаев және басқалардың баяндамалары көтерілген мәселелердің өзектілігімен, нақтылығымен және қызықты шешімдерімен ерекшеленді. Олардың бір бөлігін отандық және шетелдік кәсіпорындар практикада сәтті жүзеге асыруда.
