Республика күніне орай Қарағанды қаласының жастар ресурстық орталығы, “Жасыл ел” қалалық штабы, мектеп оқушылары және Әбілқас Сағынов атындағы Қарағанды техникалық университеті Инновациялық технологиялар колледжінің Клог-9/24-1 тобының студенттері бірлесіп, саябақтар басқармасының қолдауымен қаланың орталық мәдениет және демалыс саябағында ағаш көшеттерін отырғызу бойынша экологиялық акция өткізді.
Мақсаты:
— жастардың экологиялық мәдениетін арттыру;
— табиғатты аялау;
— қоршаған ортаның тазалығын сақтау;
— қаламыздың экологиялық жағдайын жақсартуға бағытталған.
Акция аясында саябақтарға 500-ден астам пирамидалық теректер отырғызылды. Сонымен қатар, студенттер мен мектеп оқушылары арасында экологиялық викториналар мен конкурстар ұйымдастырылып, жеңімпаздарға алғыс хаттар мен сертификаттар табысталды.
Табиғатты таза, көркем етіп сақтап қалу, бүгінгі ұрпақтың, біздің міндетіміз!
☘️ Қаламыз гүлденіп, көркеюі үшін бәріміз бір жағадан бас, бір жеңнен қол шығарып, ат салысайық!
