18.10.2024ж. сағат 10-00де 319 аудиторияда НД-23-1 тобының ұйымдастыруымен «Академик Әбілқас Сағыновтың өмірі мен қызметінен естеліктер» атты ашық кураторлық сағат өтті.
Кураторлық сағатты ашу сөзі Әбілқас Сағыновтың көзімен көрген, кафедрамыздың ақсақалы Ибадулла Дайырұлына берілді. Ол кісі академик туралы көптеген қызықты әрі бұрын сонды айтылмаған, жазылмаған қымбат ақпараттармен бөлісті.
Ашық кураторлы сабақ кезінде студенттерге академиктің өмір баяны мен қызметі туралы бейне баяндар көрсетілді. Бейне баяндар арасында студенттерге музыкалық үзілістер жасалды. Кейін осы бейне баяндарда келтірілген ақпаратар бойынша студенттер арасында сұрақ-жауап ойын өтті.
Ойынның жеңімпаздары анықталып оларға кішігір сыйлықтар берілді. Сыйлықтарды кафедрамыздың аға кураторы Марат Нығметжанович табыстады. Іс-шара студенттер мен қонақтардың көңілінен шықты деп есептейміз.
