Менің ойымша, Қ.И.Сәтбаев – кешегі Кеңес Одағының ғана емес, өтіп бара жатқан ғасырдың ұлы адамдарының бірі. Ол даналығы мен қажырлы еңбегі арқасында Қазақстандағы геологтер мектебінің іргетасын қалап, оның көшбастаушысы болды, геология ғылымының дамуына орасан зор үлес қосты. Тап осындай заңғар биіктікке Қазақстаннан да, қазақтардың арасынан да ешбір адам көтерілген емес.
(ҚР Президенті Н.Ә.Назарбаев)
Тақырыбы: Қ.И. Сәтбаев – көрнекті мемлекет қайраткері, ғалым және ғылымды ұйымдастырушы
Мақсаты: Отанымызды сүюге, туған еліне, оның тіліне, салт-дәстүрі мен мәдениетіне деген сүйіспеншілік сезімін оятуға, халқымыздың біртуар перзенті, аса көрнекті геолог-ғалым, мемлекет қайраткері Қаныш Имантайұлы Сәтбаев өмір жолын жастарға дәріптеу арқылы патриот тұлғаларды тәрбиелеу. Сонымен қоса, әрбір студенттің өз мамандығының қыр-сырын түсініп, болашаққа бастаған таңдауына сенімділігін арттыруға арналады.
