Әбілқас Сағынов атындағы Қарағанды техникалық университетінің базасында өткен хакатонның соңғы күнінде «Қазақмыс» корпорациясы» ЖШС басқарма төрағасы Нұрахмет Нұриев сапармен келді. Сапар аясында ол ғалымдармен ынтымақтастықтың негізгі бағыттарын атап өтіп, болашақта осындай іс-шараларды өткізуді қолдайтынын білдірді.
Нұрахмет Нұриев Әбілқас Сағынов атындағы ҚарТУ ғалымдарының инновациялық жетістіктер көрмесін аралап, олардың басым бағыттар бойынша әзірлемелерімен танысты. Кейбір жобалар жоғары бағаланып, бірлескен ғылыми ынтымақтастық мүмкіндігін қарастыруға қызығушылық тудырды.
Нанотехнологиялар және металлургия кафедрасының ғалымдары «Қазақмыс» қызметіне маркшейдерлік технологияларды енгізуге бағытталған бес жобаны ұсынды. Атап айтқанда, жаңа материалдар әзірлеу, сондай-ақ металлургиялық процестердің тиімділігін арттыру үшін ұнтақтаушы шарлар дайындау жобалары таныстырылды.
Сонымен қатар, «ҚазМИИР» ғылыми-зерттеу институты ұсынған сараптамалық және кеңестік шешімдер де қызығушылық тудырды. Бұл институт ғимараттар мен құрылыстарды зерттеу, сондай-ақ олардың қайта құруы мен жаңғырту бойынша ұсыныстар әзірлеу саласында бай тәжірибеге ие.
Нұрахмет Нұриев ерекше назарды университеттің тау-кен жұмыстары қауіпсіздігі саласындағы инновациялық әзірлемелеріне аударды. Атап айтқанда, ұшқышсыз ұшу аппараттарын пайдалана отырып, қашықтықтан зондтау шешімдері, сондай-ақ автоволокондық датчиктер негізінде борттық массивтердің тұрақтылығын бақылау жүйелері ұсынылды.
Кездесу соңында «Химия және химиялық технологиялар» кафедрасы әзірлеген сусабын, сондай-ақ Natige кәсіпорнымен бірлесіп жасалған «Красти» чипсы өнімдері басқарма төрағасына символикалық сыйлық ретінде табысталды.