Saginov Technical University студенттері Еркебұлан Нартбай, Ақтоты Бадамбаева және Самат Асенбаев Enactus Kazakhstan Winter Camp республикалық жас кәсіпкерлер мектебінде оқудан өтті. Ол Алматы облысындағы «Тау Тұран» лагерінің базасында өткізілді.
Enactus Kazakhstan Winter Camp — бұл Қазақстанда студенттік кәсіпкерлікті дамытуға бағытталған қарқынды білім беру бағдарламасы. Лагерь аясында қатысушылар білім беру тренингтерінен өтіп, жетекші бизнес-сарапшылардың ұсыныстарымен танысып, әлеуметтік кәсіпкерлік саласында тәжірибе алмасты.
Іс-шара қоғамның өмірін жақсартуға қабілетті әлеуметтік маңызы бар жобаларды жүзеге асыруға ұмтылатын еліміздің түрлі жоғары оқу орындарының студенттерін біріктірді. Олар бизнес-модельдерді әзірлеуді, мақсатты аудиторияның қажеттіліктерін талдауды, стартаптарға инвестиция тартуды, сондай-ақ өз идеяларын ілгерілету ерекшеліктерін зерттеді.
Шара барысында кәсіпкерліктің практикалық аспектілеріне ерекше назар аударылды: қатысушылар нақты кейстермен жұмыс жасады, өз жобалары үшін стратегиялар әзірлеп, сарапшылардан құнды кеңестер алды. Тәлімгерлер идеяларды жүзеге асыруға көмектесетін өзекті құралдармен бөлісіп, әлеуметтік бизнес саласындағы заманауи үрдістер мен сын-қатерлер туралы айтты.
Saginov Technical University студенттерінің осындай іс-шараларға қатысуы олардың кәсіби және жеке дамуына ықпал етеді, көшбасшылық қасиеттерін және кәсіпкерлік ойлауын нығайтады, сондай-ақ инновациялар мен стартаптарды ілгерілету үшін қолайлы жағдайлар жасайды. Мұндай тәжірибе студенттерге өз жобаларын қалыптастырып қана қоймай, университеттің және жалпы қоғамның дамуына үлес қосуға мүмкіндік береді.
