2024 жылдың 6 қыркүйегінде Әбілқас Сағынов атындағы Қарағанды техникалық университетінде академиялық адалдық пен сыбайлас жемқорлыққа қарсы мәдениетті қалыптастыру мәселелеріне арналған «парасаттылық сағаты» өтті.
ҚХА және СГД кафедрасының оқытушылары сыбайлас жемқорлыққа қарсы мәдениеттің негізгі принциптерін түсіндіріп, студенттерге дәріс өткізді. Дәріс барысында парасаттылық қазақстандық қоғамда, әсіресе студент жастар арасында сыбайлас жемқорлыққа төзбеушілікті қалыптастырудың маңызды элементі болып табылатыны атап өтілді. Сондай-ақ студенттерді заңнама нормалары мен академиялық адалдықты сақтауға шақырды.
Оқытушылар студенттердің болашақ кәсіби және жеке табысының негізі болатын оқу кезеңінде адалдық пен парасаттылық құндылықтарын қалыптастырудың маңыздылығын атап өтті
