Әбілқас Сағынов атындағы ҚарТУ-дың 6В07304 «Құрылыс» білім беру бағдарламасының 3 курс студенттері Артем Передериш пен Зарина Орынбай Обуда университететінде (Будапешт қ., Венгрия) өткен күзгі семестрдегі оқуларын үздік нәтижелерімен аяқтады. Олар мұны сыртқы академиялық ұтқырлық бағдарламасы аясында жүзеге асырды.
Академиялық ұтқырлық Әбілқас Сағынов атындағы Қарағанды техникалық университетінің халықаралық қызметінің маңызды бағыттарының бірі болып табылады және білім беру сапасын жақсартуға, студенттердің ғылыми-зерттеу жұмысының тиімділігін арттыруға әрі олардың кәсіби, мәдени және білім деңгейін арттыруға ықпал етеді.
Академиялық ұтқырлық бағдарламасы бойынша оқуды аяқтағаннан кейін білім алушыларға транскриптер берілді, онда оқу бағдарламасы, оқу жетістіктерінің тарихын көрсететін әріптік және цифрлық түрде (ұлттық деңгей мен ECTS деңгейінде) кредиттер мен бағалар көрсетілген меңгерілген пәндер тізбесі туралы мәліметтер көрсетілген. Транскрипт негізінде білім алушылар ECTS типі бойынша кредиттерді қайта есептеудің қазақстандық жүйесінің аударым коэффициенттері бойынша кредиттерді қайта есептелді.
Артем мен Зарина білім алған Óbuda University (Обуда Университеті) — Венгриядағы бай ғылыми және білім беру мұрасы бар жетекші университеттердің бірі. Университет 2000 жылы Будапешттегі Үш техникалық колледжді: Budapest Tech, Kandó Kálmán Technical College и the Technical College of Mechanical Engineering біріктіру арқылы құрылды. 2010 жылы университет Óbuda University болып өзгертілді.
Обуда университеті Будапешт қаласында орналасқан. Бұл Венгрияның Еуропалық Университет қауымдастығымен (EUA) ынтымақтасатын ең жас жоғары оқу орындарының бірі. Университетте заманауи оқу орындары, зертханалар мен жабдықтар бар, олар заманауи стандарттар мен индустрия талаптарына сай келеді.
Айта кету керек, ол QS Халықаралық рейтингісінің нұсқасы бойынша әлемдегі үздік 1200 университеттің қатарына кіреді және TНЕ әлемдік жоғары оқу орындарының тәуелсіз Халықаралық рейтингісінде 1001-ші орында тұр.
