19 қараша мен 18 желтоқсан аралығында Әбілқас Сағынов атындағы ҚарТУ-дың «Машина жасау» білім беру бағдарламасының 3 курс докторанттары Гедиминас атындағы Вильнюс техникалық университетінде (Литва) ғылыми тағылымдамадан өтті.
Зерттеудің негізгі бағыттарының қатарында трибологиялық сынақтар – үйкеліс жағдайында материалдардың қасиеттерін зерттеу; СЕМ-ге оптикалық талдау – сканерлеуші электронды микроскопты пайдалана отырып, үлгілердің микроқұрылымын егжей-тегжейлі зерттеу; механикалық сынақтар – созылу, иілу және қысу кезіндегі материалдардың сипаттамаларын анықтау; үлгілердің геометриясын өлшеу – өндіріс кезінде алынған пішіндердің дәлдігі мен параметрлерін талдау болды.
Тағылымдама докторанттарға озық жабдықтармен жұмыс істеу бойынша құнды тәжірибеден өтуге және машина жасау саласындағы ғылыми құзыреттерді нығайтуға мүмкіндік берді.
