Өткен аптада жылды қорытындылауға және оқытушыларды студенттердің оқуы мен жұмысындағы үздік жетістіктері үшін құттықтауға арналған ел университеттерінің Huawei Академияларын марапаттау рәсімі өтті. Іс-шара аясында жоғары нәтиже көрсеткен оқытушыларға марапаттар табыс етілді, сондай-ақ ICT Competition 2024-2025: National Final жеңімпаздары және 2024 жылдың үздік академиялары марапатталды.
Жарияланған нәтижелерге сәйкес, Әбілқас Сағынов атындағы Қарағанды техникалық университеті жанындағы Huawei Академиясы «Best Perfomed Academy» номинациясы бойынша үздік Академиялар тізіміне енді. Бұл номинацияда ең көп кластар ашқан, белсенді білім алушыларды ең көп қамтыған және жыл басында Huawei компаниясы қойған жылдық жоспарды сәтті орындаған ең үздік Академиялар марапатталды.
«Әбілқас Сағынов атындағы Қарағанды университеті» КеАҚ базасындағы Huawei ICT Academy 2021 жылы «Байланыс жүйелерінің технологиялары» кафедрасында ашылды және жыл сайын оқу процесі шеңберінде онда «Радиотехника, электроника және телекоммуникациялар», «Желілік технологиялар және байланыс жүйелері» және «Ақпараттық қауіпсіздік жүйелері» білім беру бағдарламалары үшін компьютерлік желілер, қауіпсіздік, коммутация және маршруттау негіздері бойынша сабақтар өткізіледі. 2025 жылға «Ақпараттық жүйелер», «Есептеу техникасы және бағдарламалық қамтамасыз ету», «Желілік қауіпсіздік» сияқты басқа білім беру бағдарламаларының студенттерін қамту мақсаты қойылды.
