АР19679505 «Тізбекті кодтардың көпшекті декодтау алгоритмдерін зерттеу мен дамыту және оларды жоғары жылдамдықта сөнетін радиоарналар үшін бағдарламалық-аппараттық имплементациялау» жобасы бойынша гранттық қаржыландыру шеңберінде Әбілқас Сағынов атындағы ҚарТУ ғалымдары – ғылыми жетекші Ж. Сайлауқызы және жауапты орындаушы Г. Даненова «Innovative Approaches in Smart Technologies» 8-ші Халықаралық симпозиумына қатысты. Ол 6-7 желтоқсанда Ыстамбұлда (Түркия) өтті.
Біздің ғалымдар Ұлттық қауіпсіздік саласындағы ғылыми зерттеулердің нәтижелерін ұсынды, сондай-ақ шетелдік әріптестермен бірлескен ғылыми зерттеулерді дамыту мүмкіндіктерін талқылады. Олар конференцияда ұсынған мақала IEEE Xplore құрамына енгізілді және SCOPUS дерекқорында индекстелетін болады.
