Астанада жаратылыстану-математикалық цикл пәндері бойынша ХVІІ Президенттік олимпиада аяқталды. Президенттік олимпиада елордада 20-22 қараша аралығында өтті. Оған Қазақстан мектептерінің бітіруші сыныптарынан 190 оқушы қатысты.
Олимпиада қорытындысы бойынша 9 жеңімпаз SDU, Astana IT University және Saginov Technical University сияқты Қазақстанның жетекші жоғары оқу орындарынан ректорлық білім гранттарын алды.
Біздің университеттен білім гранттарын алғандар:
- Артем Михайлов, Қарағанды облысы, Қарағанды қаласы Ыбырай Алтынсарин атындағы мектеп-лицейінің оқушысы;
- Әмір Әлижан, СҚО, Дарынды балаларға арналған мамандандырылған облыстық мектеп-лицей-интернатының оқушысы;
- Алексей Ким, Қарағанды облысы, Қарағанды қ. Қаныш Сәтбаев атындағы гимназия оқушысы;
- Амина Қуанышқызы, Абай облысы, Аягөз ауданы білім бөлімінің қалалық қазақ мектеп-лицейінің оқушысы.
Олимпиада ұйымдастырушылары – Қазақстан Республикасының Оқу-ағарту Министрлігі мен «Дарын» республикалық ғылыми-практикалық орталығы –Президенттік олимпиаданы өткізуде көрсеткен қолдауы үшін, «Әбілқас Сағынов атындағы Қарағанды техникалық университеті» КеАҚ Басқарма Төрағасы-Ректоры Сауле Сагинтаеваға алғыстарын білдіреді.
