2024 жылғы 13-16 қазан аралығында Kütahya Dumlupinar University -де (Кютахия қ., Түркия) ПҚКБ кафедрасының меңгерушісі Асқар Жанболатұлы Имашев және сол кафедраның доценті Саят Төлеуұлы Исағұлов болды. Олар ERASMUS+ бағдарламасы бойынша іске асырылатын EMINReM: Master Program in Eco-Mining and Innovative Natural Resources Management (экологиялық пайдалы қазбаларды өндіру және минералды ресурстарды инновациялық басқару) жобасының шеңберінде 3-ші үйлестіру кеңесіне қатысты.
EMINReM жобасы 2023 жылдың ақпанында басталды және 3 жылға созылады. Жобаға қатысушылар: Technical University Freiberg Bergakademie (Германия), Universidad de Jaen (Испания), Kutahya Dumlupinar Universitesi (Түркия), Днепропетровск технологиялық университеті (Украина), Донецк ұлттық техникалық университеті (Украина), Әбілқас Сағынов атындағы Қарағанды техникалық университеті (Қазақстан), Қ.И. Сәтбаев атындағы Қазақ ұлттық техникалық зерттеу университеті (Қазақстан), Ислам Каримов атындағы Ташкент мемлекеттік техникалық университеті (Өзбекстан), Навои мемлекеттік тау-кен технологиялық университеті (Өзбекстан).
Қазіргі уақытта EMINReM жобасы бойынша оқытушылар үшін үйлестіру кездесулері, тренингтер, компьютерлік сынып құру, курстар мен модульдік білім беру бағдарламаларын әзірлеу өткізілді.
Кеңесте біздің университет бойынша жоба менеджері А.Ж. Имашев тау-кен ісі бойынша магистратураның геология және пайдалы қазбаларды барлау және тіршілік қауіпсіздігі бойынша магистратураның жаңғыртылған білім беру бағдарламаларымен, сондай-ақ магистратураның қабылдау компаниясы жұмысының нәтижелерімен және ПҚКБ кафедрасында құрылған EMINReM компьютерлік сыныбымен таныстырды.
Кеңес шеңберінде стейкхолдерлермен ынтымақтастық, электрондық оқытудың виртуалды платформасын жобалау және әзірлеу, еуропалық сарапшылардың магистранттары үшін дәрістер өткізу және жоба бойынша одан әрі белсенділік талқыланды.
EMINReM жобасы табиғи ресурстарды өндіру және өңдеу кезінде экологиялық, экономикалық және басқарушылық жетістіктер саласында жаңа буын мамандарын даярлау үшін серіктестер мен жоғары оқу орындары арасындағы ынтымақтастық арқылы тау-кен жұмыстарын іске асырудың тиімділігі мен экологиялық тұрақтылығын арттыруға бағытталған.
