Байқауға Қарағанды облысының 15-21 жас аралығындағы жастары қатысты. «Ұлы халықтың – Ұлы Абайы» атты XVIIІ Абай оқулары байқауына жалпы саны 40 адам қатысты. Шара барысында барлық қатысушылар байқауға баға берген әділқазылар алқасының алдында Ұлы ақынның өлеңдерін жатқа мәнерлеп оқып шықты. Әділқазылар алқасы байқау ережесінің шарттары бойынша қатысушыларға баға беріп, байқаудың жүйріктерін таңдап, жеңімпаздарды анықтады.
Байқау қорытындысы бойынша «Ұлы халықтың – Ұлы Абайы» атты XVIIІ Абай оқулары облыстық байқауының нәтижесі бойынша ІІ дәрежелі дипломмен Әбілқас Сағынов атындағы Қарағанды техникалық университеті Инновациялық технологиялар факультетінің СИБ – 22-2 тобының студенті Толғанай Ахметова (жетекшісі ф.ғ.к., доцент Қ.М. Хамзина) марапатталды.
Қарағанды облысының мәдениет, архивтер және құжаттама басқармасының дипломы және арнайы қаржылай сыйлық табысталды.
Толғанай шәкіртімізге өнеріңіз өрге басып, әлі де талай биіктерді бағындыра беріңіз деген тілек білдіреміз! Жеңісті күндеріңіз көп болсын!
