Кеше, 16 шілде күні Әбілқас Сағынов атындағы ҚарТУ-ға ректор, профессор, доктор Омер Чомакли; халықаралық мәселелер жөніндегі үйлестіруші, профессор, доктор Ташкин Өзташ; Пинар Учактың Халықаралық қатынастар басқармасындағы Erasmus + бағдарламасына жауапты «Ататүрік университетінің» делегациясы келді.
Сапардың мақсаты «Ататүрік университеті» мен «Әбілқас Сағынов атындағы Қарағанды техникалық университеті» КеАҚ арасында өзара түсіністік туралы Меморандумға қол қою болды.
Қонақтарға құттықтау сөз сөйлеген Әбілқас Сағынов атындағы ҚарТУ-дың Басқарма төрағасы – Ректоры С.С. Сагинтаева біздің ЖОО туралы айтып берді. Атап айтқанда, өткен жылы ол өзінің 70 жылдық мерейтойын атап өтіп, елдің жетекші техникалық жоғары оқу орны ретінде танылды. Оның қабырғасынан көптеген танымал мемлекет және қоғам қайраткерлері, Қазақстан Республикасының ірі өнеркәсіптік кәсіпорындарының басшылары шықты. Ал қазір ол тек Қарағанды өңірі үшін ғана емес, алдыңғы ұрпақтар салған даңқты дәстүрлерді көбейте отырып. бүкіл еліміз үшін кадрлар ұстасы болып қала береді,
QS World University Rankings: Asia 2024 рейтингінде биыл 25 елден (Қытай, Гонконг, Сингапур, Оңтүстік Корея, Малайзия, Жапония, Үндістан, Қазақстан және т. б.) 856 жоғары оқу орны кірген болатын. Сөйтіп, өткен жылмен салыстырғанда Әбілқас Сағынов атындағы Қарағанды техникалық университеті бірден 20 позицияға көтеріліп, ТОП-251+ қатарына енді. Ал Ұлттық рейтинг қорытындысы бойынша Әбілқас Сағынов атындағы Қарағанды техникалық университеті Қазақстанның үздік техникалық жоғары оқу орындары арасында 5-ші орында.
Көп жағдайда бұл түрік әріптестерінің біздің ЖОО-ға деген үлкен қызығушылығына байланысты. Біздің жоғары оқу орындары арасындағы тығыз ынтымақтастық ортақ іске пайдасын тигізетіні анық.
Эрзурум қаласында орналасқан «Ататүрік университеті» – Түркияның 45 мыңнан астам студенті бар аса ірі оқу орындарының бірі. Ол 1957 жылы, яғни біздің университеттен төрт жыл өткен соң құрылды. Соңғы жылдары Түркияның 20 жетекші университеттерінің бірі болып табылады және халықаралық рейтингтегі үздік жоғары оқу орындарының 5 пайызына кіреді.
Сәлемдесуден кейін өзара түсіністік туралы Меморандумға қол қою рәсімі басталды. Университет ректорлары – бір тараптан Омер Чомакли, екінші тараптан Сәуле Саветовна дайындалған құжаттарға қол қойып, қатысушылардың достық қошеметі кезінде алмасты. Бұл күн университеттердің әрқайсысының тарихына енеді. Ынтымақтастық жоғары оқу орындары мен жалпы елдеріміздің игілігі үшін ұзақ әрі жемісті болуға уәде береді.
Меморандумға қол қою рәсіміне: басқарма мүшесі – академиялық мәселелер жөніндегі проректордың м.а. Г.Е. Самашова, басқарма мүшесі – тәрбие жұмыстары жөніндегі проректор А.К. Қалықов, басқарма мүшесі — ғылыми жұмыстар жөніндегі проректордың м.а. А. К. Рақышев, халықаралық ынтымақтастық орталығы басшысының м.а. Д.К. Смолянова, факультет декандары мен кафедра меңгерушілері қатысты.
