Көтеріңкі көңіл-күй мен әркімнің жүрегіне ерекше жылулық сыйлайтын мерекелердің бірі – Жаңа жыл. Жаңа жылдық мерекелерде адамдар туыстары мен таныстарын құттықтайды, бір-біріне сыйлықтар береді. Дегенмен Жаңа жыл балалар үшін ерекше қуанышты. Ересектер әр баланың жүрегінде осы мерекенің сиқырлы атмосферасын ұзақ жылдар бойы сақтап қалуы үшін қолдан келгеннің бәрін жасауға тырысады.
Кәдімгі берекелі отбасылардан шыққан балалар үшін алаңдаудың қажеті жоқ. Ата-аналар оларға алдын-ала сыйлықтар мен тосын сыйлар дайындайды. Бірақ жаңа жылдық мерекелерде бірде бір бала Аяз Атаның назарынан тыс қалмауы керек.
Әбілқас Сағынов атындағы Қарағанды техникалық университетінің жанындағы «Ақниет» жастар қайырымдылық ұйымы жыл сайын Жаңа жыл алдында аз қамтылған және мұқтаж отбасылардан шыққан балалардан Аяз Атаға хаттар жинайды. Оларда балалардың өздерінің арманын жүзеге асырулары туралы әсерлі өтініштер жазылады. Аяз Ата, ол ертегі болғандықтан, олардың ешқайсысын назардан тыс қалдырмайды. Міндетті түрде сыйлықпен және тілектердің орындалуымен қуантады.
Әрине, мұны нақты оқытушылар мен студенттер жасайды. Мәселен, «Жоғары математика» кафедрасының тәлімгері Ж.М.Төлеутаева және ТТ-23-2, ТТ-23-2с тобының студенттері Аяз Атаның тапсырмасы бойынша Дария Әбішеваның тілегін орындады.
«Энергетикалық жүйелер» кафедрасының оқытушылары мен студенттері биылғы жылы мектеп-интернаттың бес тәрбиеленушісі үшін Аяз Ата рөлін атқарды. ТЭ-21-2 тобының 3 курс студенттері тәлімгер С.Н.Двужиловамен бірге балалардың өтініштерін орындады.
Таңғажайыптар орындалатынына тағы кімнің күмәні бар? Ең бастысы, оларға сену керек және біз оларды өз қолымызбен жасай алатынымызды білуіміз керек.
Егер жақын жерде жақсылық жасауды қалайтын, ғажайыптар сыйлауға дайын адамдар болса, бәрі мүмкін.
