ШЫҰ Университетінің конференциясы Пекин қаласында энергетика және электр энергетикасы саласындағы мамандарды дайындайтын Қытайдағы жалғыз университет – Солтүстік Қытай электр энергетикалық университетінің (СҚЭУ) базасында өтті. СҚЭУ Аспан империясының жетекші оқу орны мәртебесіне ие және «Жоба 211» ұлттық бағдарламасына енгізілген. Бұл университетте 40 000 адам білім алуда. Оның құрылымында 66 ғылыми-зерттеу институты, соның ішінде Жүйені басқару ғылыми-зерттеу институты мен бағдарламалық қамтамасыз етуді зерттеу институты бар ғылыми парк ерекше орын алады.
Конференцияға Қытайдың жетекші университеттерімен қатар Қазақстан, Ресей және басқа да ШЫҰ елдерінің университеттері қатысты. ШЫҰ университетінің «Энергетика» саласындағы базалық университеті болып табылатын Әбілқас Сағынов атындағы Қарағанды техникалық университетін «Өндірістік процестерді автоматтандыру» кафедрасының меңгерушісі, PhD докторы В.В. Югай ұсынды.
Конференцияда ШЫҰ Университеті бағдарламасының даму перспективаларына, сондай-ақ энергетика саласындағы ағымдағы үрдістер мен инновацияларға, энергетикалық жүйелердің тиімділігі мен тұрақтылығын арттыруға қатысты мәселелер талқыланды.
Кездесу барысында В.В. Югай СҚЭУ проректоры Би Тяньшу мырзамен университеттеріміздің базасында оқытушылардың, магистранттар мен докторанттардың ұтқырлығын дамыту мәселелерін, сондай-ақ өзара тиімді ынтымақтастықтың басқа да мәселелерін талқылады.
