Әбілқас Сағынов атындағы ҚарТУ-да тәрбие жұмысы мен жастар саясатын іске асыру өзекті трендтерге сәйкес келеді және Мемлекет басшысының Жолдауларының, Ғылым және жоғары білім министрлігінің бағдарламалық құжаттарының негізгі міндеттері шеңберінде жүргізіледі.
ЖОО-да студенттік өзін-өзі басқарудың бірыңғай органы – «Жас Орда» жастар қауымдастығына кіретін «Aqniet» жастар қайырымдылық ұйымы, Еріктілер штабы, жатақханалардың студенттік кеңестері, студенттік орталықтар (мәдениет және спорт, білім беру жобалары, серіктестермен жұмыс бойынша, медиа орталық) белсенді жұмыс істейді. Студенттердің мүдделерін қорғауды қамтамасыз ету үшін «Жас Орда» ЖҚ белсенділері алқалы басқару органдарының – Ғылыми кеңестің, Факультет кеңестерінің, жатақханалардың студенттік кеңестерінің, президенттік және ректорлық стипендияларды тағайындау жөніндегі университеттік комиссиялардың, сондай-ақ Әдеп жөніндегі кеңестің жұмысына қатысады.
Студенттік активті көшбасшылыққа, тайм-менеджментке, команда құруға, коммуникацияларды дамытуға оқыту мақсатында «Жас Орда» ЖҚ жыл сайын тренингтер, дәрістер, мастер-кластар кешенін қамтитын «Студенттік белсенділер мектебі» жобасын іске асырады.
Әбілқас Сағынов атындағы Қарағанды техникалық университетінің бірінші курсының белсенді студенттеріне арналған «Wake Up – 2023» күзгі көшпелі мектебі Теміртау қаласындағы «Ғарышкер» демалыс базасында өтті.
Іс-шараға 100-ден астам студент қатысты. Екі күн бойы белсенділер жеке тұлғаны дамытуға, командалық білім беру дағдыларын, креативтілікті, көшбасшылық пен шешендік шеберлікті дамытуға бағытталған тренингтерге, спорттық эстафеталарға, зияткерлік ойындар мен конкурстарға қатысты.
Студенттер үшін, философия докторы, психология магистрі, сертификатталған коуч-жаттықтырушы – Д.Г.Шорманбаева, сондай-ақ университет түлегі, спорт шебері, ҚР чемпионы, спорттық би бойынша ҚР кубогының абсолютті иегері Шахнур Мусин тренингтер өткізді.
Көшпелі мектептің қорытындысы бойынша барлық қатысушылар сертификаттар алды. Сондай-ақ жеңімпаз командалар анықталды, олар демеушілер тарапынан сертификаттарымен марапатталды:
- 1-орын –«Классика» командасы;
- 2-орын – «Рок» командасы;
- 3-орын – «Халық музыкасы» командасы.
