10 жыл бойы шет тілдері кафедрасы «Ғылыми-техникалық аударма» қосымша білім беру бағдарламасы бойынша 1-ші курстан 4-ші курсқа дейінгі студенттерді даярлайды, бұл техникалық бейіндегі мамандар үшін микро біліктілік болып табылады.
Бұл курс мәдениетаралық, іскерлік, кәсіптік-техникалық коммуникация дағдыларын дамытқысы келетін және Pre-Intermediate деңгейінен төмен емес ағылшын тілін меңгерген студенттерге арналған.
Бағдарламаның айрықша ерекшелігі – кәсіби-техникалық аударма дағдылары мен әдістерін қалыптастырудың авторлық әдістемесі. Курстың соңында студент өзінің дипломдық жобасын ағылшын тілінде қорғайды және кәсіби коммуникация саласында аудармашы қызметімен айналысуға құқық беретін куәлік алады.
Сонымен қатар, курстың көптеген басқа артықшылықтары бар, олар кәсіби қызметте қажет білім мен дағдыларды алуға байланысты, атап айтқанда:
— курстың соңында түлек мамандандырылған ағылшын тілді әдебиеттерді оқи алады, шетелдік мамандар өткізетін тренингтер мен семинарларға қатыса алады, халықаралық компанияларда әңгімелесуде өзін сенімді сезінеді;
— студенттер магистратураға немесе докторантураға түсу кезінде, шетелдегі жоғары оқу орындарында оқығанда, халықаралық компанияларда жұмыс істегенде және т.б. нақты пайдаланатын пайдалы ақпарат алады.
Курстың бағдарламасына кәсіби-техникалық аударма дағдылары мен техникасын, оның ішінде цифрлық платформалар базасында шыңдауға арналған тұрақты практикумдар енгізілген.
Қабылдау науқаны Британ Кеңесі бекіткен English Core шет тілін меңгеру деңгейін анықтауға арналған тест және кіріспе сұхбат негізінде өткізіледі.
Өз мүмкіндіктеріңізді пайдаланыңыз, мұндай білім болашақта пайдалы болады.