2-4 маусым аралығында, үш күн бойы Қарқаралы қаласының маңындағы әдемі жерде орналасқан «Политехник» спорттық-сауықтыру лагерінің базасында «Jas Wave 2022» студенттік активінің жазғы көшпелі мектебінің сабақтары өтті.
Әбілқас Сағынов атындағы Қарағанды техникалық университетінде жазғы кезеңде осындай көшпелі мектептерді ұйымдастыру жақсы дәстүрге айналды.
Бұл жолы жалпы саны 100-ден астам адамды құраған көшпелі мектеп қатысушыларының ішінде әр түрлі курстар мен факультеттерден келген студенттер болды. Алайда, бұл олардың тез тіл табысуына кедергі болмады. Көбісі жаңа тәжірибе туралы айтпағанда, мұнда жаңа достар тапты. Сертификатталған психолог К. С. Марченконың қызықты тренингтерінің өзі танымды болды. Өткізілген іс-шаралар барысында студенттер жеке өзін-өзі дамыту, жеке өсу мүмкіндіктері және шетелдік оқу орындарында оқуды жалғастыру туралы білім алды. Сонымен қатар олар түрлі байқауларға белсене қатысып, өз таланттарын, жасампаздығы мен тапқырлығын көрсетуге мүмкіндік алды.
Әрине, табиғатта спорттық жарыстар да болды. Күш-қуаты тасыған, жалындаған жастарға неге спорттық жарыстар өткізбеске? Айта кету керек, бұл жерде олар өздерін жақсы жағынан көрсете білді, олардың дене шынықтырумен бәрі жақсы екенін көрсетті. Белсенді адам оқуда да, спортта да, қоғамдық жұмыстарда да қашанда белсенді.
Көшпелі мектептің жұмысы аяқталғаннан кейін барлық қатысушылар сертификаттар алды. Сонымен қатар демеушілер дайындаған марапаттармен жеңімпаз командаларға құрмет көрсетілді.
