13 наурызда Қарағанды облысы дене шынықтыру және спорт басқармасында грэпплинг бойынша Азия чемпионатында күміс жүлдеге ие болған жас спортшы Айбар Оразалымен баспасөз конференциясы өтті.
Қарағанды облысы бойынша аралас жекпе-жек, панкратион және грэпплинг спорты федерациясы өкілдерінің мәлімдеуінше, Қазақстан командасы 33 медальді, оның ішінде 12 алтын, 12 күміс және 9 қола жүлдені жеңіп алған. Грепплинг спортынан Бішкек қаласында өткен Азия чемпионатында жалпыкомандалық есеп бойынша еліміздің командасы бірінші орынға ие болды.
Университетіміздің Жол-көлік факультетінің ОП-14-3 тобының студенті Айбар Оразалы Қарағанды облысының командасы құрамында сайысқа қатысып, 66 кг. салмақта екінші орынға, яғни, күміс медельге ие болды.
Жас спортшыны жеңісімен құттықтаймыз!
Дереккөз: http://ekaraganda.kz/?mod=news_read&id=72725