Ақпан айының 21 күні колледж директоры – Н.А.Смағұлованың қолдауымен 1 курс студенттері: Бастами Аружан, Нарова Амина, Сайдолла Алтынжан, Серікхан Тәуіржан, Бұқпанов Рауан, Бегалиев Ернұр «Сарыарқа» телеарнасында өткен, журналист Асылбек Тойбек жүргізетін «Ойталқы» бағдарламасына қатысқан болатын. Бағдарламада талқыланған басты тақырып: «Жас бозбалалар мен бойжеткендердің қоғамдағы орны». Бағдарлама барысында бозбалалар мен бойжеткендердің қоғамда алатын орындары, арқалаған міндеттері Отан, ел алдындағы жауапкершіліктері сөз болды. Ел тірегі болатын келешек ұрпақтың бүгінгі пайым-пікірі өмірге деген көзқарасы, ұстанымы өте маңызды. Оларға дұрыс бағыт-бағдар беріліп, білімі мен білігін жетілдіру – бүгінгі аға ұрпақтың мойынында. Сондықтан мұндай шараларға колледж студенттерінің атсалысуы маңызды деп білеміз. Себебі, әр студент тұлға, келешек ел азаматы ретінде қалыптасуы осындай игі бастамаларда кеңінен талқыланады.
Айзада Рахымжанова
Оқытушы